କବିତା – ଶୀତ ବସ୍ତ୍ର ଦିଅ କିଣି – ନରେନ୍ଦ୍ର ପ୍ରସାଦ ବେହେରା

ଲେଖକ ପରିଚୟ

+ ଏହି ଲେଖକଙ୍କର ଅନ୍ୟ ଲେଖା ପଢିବାକୁ [ଏଠାରେ କ୍ଲିକ କରନ୍ତୁ]

   ଡାକିଡାକି ଆଜି   ଥକି ମୁଁ ଗଲିଣି
          କଳାକାହ୍ନୁ ନୀଳମଣି
କେଉଁ ଦିନ ପ୍ରଭୁ   ଡାକ ତୁ ଶୁଣିବ
        ପ୍ରବଳ ଶୀତ ହେଲାଣି ।୧।
କଳାକାହ୍ନୁ…….(ଘୋଷା)
ନାହିଁ ଧନରତ୍ନ    ଅଟେ ଦୀନହୀନ  
          କିଣିନି ଶୀତ ବସନ
ସାରା ଦେହ ମୋର  ଶୀତରେ ଥରୁଛି
         କେମିତି କାଟିବି ଦିନ ।୨।
ତୁହି ପରା ସେହି    ଜଗତ ଠାକୁର
        ଦେଉଥାଉ ମନ ଜାଣି
ଅବହେଳା ମୋତେ    କରୁଛ କାହିଁକି
       ପାରୁନି ଜାକେଟ କିଣି ।୩।
  କଳାକାହ୍ନୁ……..(ଘୋଷା)
  ବସିଅଛୁ ତୁହି   ସମୁଦ୍ର କୂଳରେ
      ସଙ୍ଗରେ ଧରି ଭଉଣୀ
ମୁଁ ଏଠି ବସିକି   ଭଙ୍ଗା କୁଡିଆରେ
       ଶୀତରେ କମ୍ପୁଛି ପୁଣି  ।୪।
କଳାକାହ୍ନୁ……..(ଘୋଷା)
 ଗଢିଅଛୁ ତୁ ତ   ଏ ବିଶ୍ବଵ୍ରହ୍ମାଣ୍ଡ
       ସଭିଏ ତମର ପ୍ରାଣୀ
ନମାଗିଲେ କିଛି    ଦେଉଥାଉ ପୁଣି
       ମନକଥା ଜାଣି ଜାଣି ।୫।
କଳାକାହ୍ନୁ…….(ଘୋଷା)
ଗମ୍ଭୀରା ଭିତରେ   ଆରାମେ ବସିଛୁ
      ଦାମିକା ବସନ କିଣି
ମୁଁ ଏଠି ମରୁଛି     ଶୀତରେ ଥରିକି
  (ମୋତେ)ଶୀତବସ୍ତ୍ର ଦିଅ କିଣି ।୬।
କଳାକାହ୍ନୁ……..(ଘୋଷା)
ତୁ କିଆଁ ଜାଣିବୁ  ପତିତର ଦୁଃଖ
       ବସି ବଜାଉ ଖଞ୍ଜଣି
ସୁଖ ଆନନ୍ଦରେ   ନିଜେ ତୁ ବସିଛୁ
    ମୋତେ ତୁ ଭୁଲିଗଲୁଣି ।୭।
କଳାକାହ୍ନୁ……..(ଘୋଷା)
କାହିଁକି ବୋଲିଵି   ଜଗତ ଠାକୁର
      ପଥର ତୁ ତ ହେଲୁଣି
ମୁରୁକି ହସୁଛୁ    ଦେଉଳ ଭିତରେ
   (ମୁଁ) ଶୀତରେ ଥରି ମଲିଣି ।୮।
ଏସମୟେ ମୋତେ  କାହିଁ ଦେଉ କଷ୍ଟ
      ବୟସ ମୋର ହେଲାଣି 
କହେ ହାତଯୋଡି  ଆହେ ନୀଳମଣି
     ଯିବାକୁ ବେଳ ହେଲାଣି ।୯।
କଳାକାହ୍ନୁ……
      ପ୍ରବଳ ଶୀତ ହେ…..
କଳାକାହ୍ନୁ ନୀଳ…..
    ଡାକିଡାକି ପ୍ରଭୁ ……

ନରେନ୍ଦ୍ର ପ୍ରସାଦ ବେହେରା,
ଆଳଦା, ଖଇରା, ବାଲେଶ୍ବର, ମୋ-୯୮୫୩୧୪୨୫୧୦

Leave a Reply

Your email address will not be published. Required fields are marked *