ଘନଶ୍ୟାମ ହେ – ରମେଶ ଚନ୍ଦ୍ର ମିଶ୍ର

ଲେଖକ ପରିଚୟ

ରମେଶ ଚନ୍ଦ୍ର ମିଶ୍ର
ସମ୍ପାଦକ - ତ୍ରିଧାରା ସାହିତ୍ୟ ସଂସଦ, ବଇଣ୍ଡା, ଅନୁଗୋଳ | + ଏହି ଲେଖକଙ୍କର ଅନ୍ୟ ଲେଖା ପଢିବାକୁ [ଏଠାରେ କ୍ଲିକ କରନ୍ତୁ]
ଘନଶ୍ୟାମ ହେ !

ଘୁଞ୍ଚାଅ ମୋର ଆରତ
ଘଡି ଘଡି ଏ ଯେ ଉଚ୍ଛୁର ହେଉଛି
               ଘୂରାଉଛି ମୋର ମାଥ । (୦)

ଘଟଣାବହୁଳ ଜୀବନରେ କେତେ
                  ପାପ ଅରଜିଛି ମୁହିଁ
ଘମଣ୍ଡ ମନରେ ଭୁଲିଅଛି ନାମ
                  ଦିନେ ତୁଣ୍ଡେ ଧରିନାହିଁ
ଘେନାକର ମୋର ଆକୁଳ ମିନତୀ
                  ତୁମେ ପରା ଦୟାବନ୍ତ । (୧)

ଘରଦ୍ବାର, ଜାୟା, ପୁତ୍ର, କନ୍ୟା ମାୟା
                   ପାଶରେ ହୋଇଲି ବନ୍ଧା
ଘାରିଲା ମନରେ ପର ଆପଣାର
                    ହିସାବରେ ହେଲି ଛନ୍ଦା
ଘୋଟକ ପରାଏ ଏ ମୋର ମନକୁ
              ବାନ୍ଧି କର ଅନୁଗତ । (୨)

ଘାରିହୁଏ ଯେହ୍ନେ ତୁମରି ନାମକୁ
             ମାୟାର ଦଉଡି କାଟ
ଘଟ ଛାଡି ପ୍ରାଣ ଗଲାବେଳେ ନାଥ
             ହୃଦରେ ହୁଅ ପ୍ରକଟ
ଘୁଞ୍ଚାଇଦିଅ ହେ ଯମ ଯନ୍ତ୍ରଣା
              ବଢାଇ ଅଭୟ ହାତ । (୩)
  
Writer’s Details: ରମେଶ ଚନ୍ଦ୍ର ମିଶ୍ର
ତାପସ କୁଟୀର, ବଇଣ୍ଡା, ଅନୁଗୋଳ
Content Category:
Submission Date: Jun 11, 2019

Leave a Reply

Your email address will not be published. Required fields are marked *