କହ କାହିଁ ପାଇଁ ଆସିବି ମୁଁ – ଶୁଭାଶିଷ ସେଠୀ

କହ କାହିଁ ପାଇଁ ଆସିବି ମୁଁ ମା
ତୋହରି ଗର୍ଭେ ରହି,
ମୋ ଜନ୍ମ କି ଏତେ ଯନ୍ତ୍ରଣା
ସାଜଇ ତୁମ୍ଭ ପାଇଁ ।

ଚାହିଁ ନାହିଁ ମୁ ଜନ୍ମ ନେବାକୁ
ମୋ ଜନ୍ମ ଯଦି ଏତେ ଅମଙ୍ଗଳ,
କୁହ କାହିଁ ପାଇଁ ପ୍ରଚାର କରୁଛ
ନାରୀ ଆମ ସଂସ୍କୃତି ସ୍ୱର ।

କୁହ କାହିଁ ପାଇଁ ଆସିବି ମୁଁ ବାପା
ସୁନ୍ଦର ତୁମ ଧରା କୁ
ମୋ ପାଇଁ ଯଦି ଜାଗା ଜମା ନାହିଁ
ନିଶ୍ୱାସ ଟିକେ ନେବାକୁ ।

ଭାବୁଛ କାହିଁକି ବୋଝ ମୁହିଁ ହେବି
ତୁମରି କାନ୍ଧରେ ପଡି,
ଝିଅ କଣ କେବେ ଚଢ଼ଇ ପାରିବନି
ସଫଳତା ର ସିଡ଼ି ।

କୁହ କଣ ପାଇଁ ଆସିବି ମୁ ଭାଇ!
ତୁମରି ଗହଳି କୁ
କାହିଁ କରି ଦିଅ ତୁଚ୍ଛ ଯେ ଆମକୁ
ଭୁଲି ଯାଇ ଭାତୃତ୍ଵ କୁ ।

ରାକ୍ଷୀ ବାନ୍ଧି ଦେଇ କହି ଦେଉ ଭାଇ
ସାହା ହେବୁ ସଦା ବେଳେ
କହ କଣ ପାଇଁ ଭୁଲି ଯାଉ ତୁହି
ସୈତାନ ବସ ବଳେ ।

କେବେ ଫିଙ୍ଗି ଦିଅ ନାଳୀ କୁ ତ ପୁଣି
କେବେ ଅଳିଆ ଗଡା ରେ,
ଆଖିର ଲୁହ କି ଦିସେନି ତୁମକୁ
ବିବେକ ବ।ଧେ ନୀ ଥରେ।

ମୁ ନାହିଁ ଆଉ ସୁରକ୍ଷିତ ଏବେ
ତୁମରି ସମାଜ ମଧ୍ୟେ,
ଈଶ୍ୱରଙ୍କ ପାଖେ ଏତିକି ମିନତି
ନ ପଠାନ୍ତୁ ଆଉ ଏ ଭବେ। ।


ରାୟଗଡା, ନନ୍ତାର,
ମହାକାଳପଡ଼ା. କେନ୍ଦ୍ରାପଡା

ମନ୍ତବ୍ୟ ରଖନ୍ତୁ: