କବିତା – ମାଟି ଓ ବର୍ଷା – ଭଜରାମ ସେଠୀ

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ମାଟି ଓ ବର୍ଷା (ତୃତୀୟ ପାଠ)
**********************************
ଆକାଶ ହସଇ ନୀଳ ମେଘ କୁଞ୍ଜେ
କଳାମେଘୀ ଶାଢୀ ପିନ୍ଧି,
ଶୀତଳ ଜଳୀୟ ମଣ୍ଡଳେ ଖେଳଇ
ତୃଷ୍ଣା ଜଳ ହୃଦେ ବିନ୍ଧି ।୧।

ମଣ୍ଡୁକ ନିନାଦ ଜଳ ପାଇ ସ୍ବାଦ
ସାରୁ ବୃକ୍ଷ ବୁଦା ତଳେ,
ପ୍ରେମ ଗୀତି ସୁରେ କମ୍ପନ ଅଧରେ
ପ୍ରୀତି ସଙ୍ଗ ବର୍ଷା ଜଳେ । ୨।

ପିମ୍ପୁଡି ଯତନ ଖାଦ୍ୟ ଅନ୍ଵେଷଣ
ନୀତି ରୀତି ତୃପ୍ତି ଧରା,
ଅଳସ ବିନାସ ଦିବ୍ୟ କାନ୍ତ ଦେଶ
ଜୀବନ ଜଞ୍ଜାଳ ଧାରା ।୩।

କଳାମେଘ ଦେଖି ପୁଚ୍ଛ ଖୋଲି କେକୀ
ନୃତ୍ୟ ଆରମ୍ଭିଲେ ବନେ,
ବାଂଉଶ ନଇଁ ସେ ପ୍ରଣାମ କରଇ
କଳାମେଘୀ ପ୍ରୀତି ବାଣେ ।୪।

ଦୁବ ଘାସ ଯେତେ ଅନାଇ ଆନନ୍ଦେ
ଛନ ଛନ ମୁଖ କଲେ ,
ଆକାଶୁ ପୀୟୂଷ ଧାର ଧାର ଝରି
ରସାରେ ରସ ଭରିଲେ ।୫।

କଳାମେଘୀ ଶାଢୀ ଗିରିଶୃଙ୍ଗ ବେଢି
ଭ୍ରମଣ କରିଲେ ଗୋରୀ,
ଅମ୍ବରେ ଉଦୀଚୀ ପାର୍ବଣ ଶ୍ରାବଣ
ବରଷା ଭରସା କରି ।୬।

ହରଷ ବଦନୀ ପ୍ରକୃତି ମୋହିନୀ
ପ୍ରୀତି ତୃପ୍ତି ପୟଧାରେ,
ପୟରେ ଚୁମ୍ବନ ଚୁମ୍ବି ଦେଲା ଘନ
ବର୍ଷାଜଳେ ସତୀପୁରେ ।୭।

କେଶ ମେକୁଳା ସେ କରନ୍ତି ଦୁର୍ବଳା
ସବୁଜ ବରନା ପରୀ,
ଭୂଲତା ନଚାଇ ହୃଦକୁ ଫୁଲାଇ
ଫୁଲିଲେ ଯୁବା ସୁନ୍ଦରୀ ।୮।
*********************************
ଭଜରାମ ସେଠୀ, ନିରାଳ, ଗଂଜାମ


ରଚନା : ଭଜରାମ ସେଠୀ

ଠିକଣା : ନିରାଳ ଗଂଜାମ ଦୂରଭାଷ : 9566876504


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ