ଶିଶୁ କବିତା – ନୂଆ ରାଇଜର ରାଜା – ଭଜରାମ ସେଠୀ

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ନୂଆ ଆକାଶ’ର ନୂଆ ତାରା ଆମେ
ନିଇତି ଝଲସି ଉଠୁ,
ଡରିଯିବୁ ନାହିଁ ଅନ୍ଧାର ରାତିକୁ
ନଭପୁଷ୍ପ ହୋଉ ଫୁଟୁ ।
ଜାତିବର୍ଣ୍ଣ ନାହିଁ ଆମ ଚଲା ପଥେ
ବୀରପଣେ ହେବୁ ଜନ୍ମ,
ଟିକି ଟିକି କଳି ସୁବାସ ଭରିବୁ
ଜଗତେ ଆମର ଧର୍ମ ।
ଗଢି ତୋଳିବାକୁ ଶପଥ କରିଛୁ
“ନୂଆ ରାଇଜର ରାଜା”,
ନାହିଁ ହିଂସା ଗୁଣ ଆମରି ନୀତିରେ
ସୁଖେ ବଞ୍ଚିବେ ପରଜା ।
ଗୁରୁଜନ ଠାରୁ ଶିକ୍ଷା ପାଉଥିବୁ
ବିକଶିତ କରି ଗୁଣ,
ନ୍ୟାୟ ପଥ ପଥେ ପଥିକ ସାଜିବୁ
ଅହିଂସା ମାର୍ଗରେ ଧ୍ଯାନ ।
ତୃଷାତୁର ପ୍ରାଣେ ଅମ୍ବୃତ ଯୋଗାଇ
ଜୀବନ ରକ୍ଷା କରିବୁ,
ରୋଗୀ ପାଇଁ ସେବା ଅନ୍ଧ ପାଇଁ ଚକ୍ଷୁ
ସଦାବେଳେ ସାହା ହେବୁ ।
ବୁଦ୍ଧି ଗୁଣ ଆମ କପଟ ନୋହିବ
ସ୍ବଚ୍ଛଳ ପରାଣ ମନ,
ବଡ ହୋଇ ଦିନେ ଉଡାଇବୁ ଯଶ
ଭାରତ ମା’ର ସନ୍ତାନ ।
ପୂରୁବ ପୌରଷ ପୂରୁବ ବିଶ୍ବାସ
ଫେରାଇବୁ ସତ୍ୟ ଧାମେ,
ପୂରୁବ ମହିମା ପୂରୁବ ଗରିମା
ଦେଖାଇବୁ ଏଇ ଜନ୍ମେ ।
ମିଥ୍ୟା ଭ୍ରଷ୍ଟ ଦଳ ନିପାତ କରିବୁ
ହଜିବ ପାଖଣ୍ଡୀ ବଳ,
ପାଦକୁ ଲେହନ କରଇ ନିର୍ଲଜ
ପାଇବାକୁ ତୁଣ୍ଡ ଲାଳ ।

ରଚନା : ଭଜରାମ ସେଠୀ

ଠିକଣା : ଗଂଜାମ ,ନିରାଳ ଦୂରଭାଷ : 9566876504


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ