ଶ୍ରାବଣ ଆଗମନେ – ପବିତ୍ର କୁମାର ନାୟକ

ଲେଖକ ପରିଚୟ

ବ୍ଲଗ | ସଦ୍ୟ ପୋଷ୍ଟ

ଏହି ବିଷୟଟି 4 ଜଣ ପାଠକ ପଢି ସାରିଛନ୍ତି

ଗଗନେ  ଦେଖିଣ   ଭସା  ବଉଦକୁ

      ହସୁଛି   ଧରଣୀ   ରାଣୀ
ଚପଳା  ଚମକେ    ବାଦଲ  ଉହାଡ଼େ
       ମନ  ନେଉଅଛି   କିଣି…
ନଦୀ   ପୁଷ୍କରିଣୀ   ଉଛୁଳି   ଗଲେଣି
       ଭିଜୁ   ଅଛି  ତନୁ  ମନ
ନିଆଶା  ନିଦାଘ   ଲେଉଟି   ଯାଇଛି
        ଶୁଭେ  ବେଙ୍ଗୁଲୀର   ସ୍ୱନ…
ଆକାଶୁ  ଖସୁଛି   ବିନ୍ଦୁ  ବିନ୍ଦୁ  ମୋତି
       କୁହୁଳି   ଉଠୁଛି    ଧୂଆଁ
ଶ୍ରାବଣ   ପରଶେ   ସବୁଜ   ସବୁଜ 
      ଦିଶୁଛି    ଅବନୀ     ହିଆ…
କାହିଁ   କେତେଦିନୁ   ଚାତକର  ଆଶା
      ସିନ୍ଦୁକ    ଭିତରେ    ଥିଲା
ପହିଲି   ଛୁଆଁରେ   ହୃଦୟ    କନ୍ଦରେ
     ଉଲ୍ଲାସ   ଯେ    ଭରିଦେଲା…
ଥିରି   ଥିରି  ନାଚେ  କାନନରେ  କେକୀ
      ନଭେ    ହସେ    ଇନ୍ଦ୍ରଧନୁ
ଚଉଦିଗେ   ଦେଖ     ଖୁସିର ଲହରୀ
      ତମେ   ଛୁଇଁଯିବା    ଦିନୁ…
ଅଳପ   ଅଳପ    ବରଷାର    ବାରି
      ଭିଜା ଭିଜା ତୁମ  ସ୍ମୃତି
ମେଘ  ଓ  ମହ୍ଲାର ହାତଠାରି  ଡାକେ
      ପାହି  ଗଲା ପରେ ରାତି…

HTML tutorial
0 0 ରିଭିୟୁ
ପୋଷ୍ଟ ରେଟିଙ୍ଗ
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ