କୁହ ବରଷା କୁହ – ପବିତ୍ର କୁମାର ନାୟକ

ଲେଖକ ପରିଚୟ

Blog | +

ଏହି ବିଷୟଟି 6 ଜଣ ପାଠକ ପଢି ସାରିଛନ୍ତି

ନିଦାଘ ଶେଷେ         ତୁମରି ଆଶେ
         ସେମିତି ଅଛି  ଚାହିଁ
ହୋଇଣ ଖୁସି            ଯିବ  ବରଷି
          ପୂରି ଉଠିବ ନଈ…
ଗଗନ  ପାଶେ         ବଉଦ ଭାସେ
          ଚପଳା ଦେଖା ନାହିଁ
ତମସା ହଟେ           ସୂରୁଜ ଭେଟେ
           ରୁଧିର ଯାଏ ବହି…
କୋଉଠି ଆଜି           ଠିକଣା ଖୋଜି
           ହେଇଛ  ଦିଗ ହରା
ଦକ୍ଷିଣେ ଭାସ            ପୂରୁବେ  ହସ
           ଦିଅନି ଆଉ ଧରା…
ପାଦପରାଜି              ଗଲେଣି ହଜି
          ତପତ ଧରା ଦେହ
ସମୀର ଦେଖ           ହୋଇ ବିମୁଖ
          ଢାଳୁଛି ଖାଲି କୋହ…
ଝଅଟେ ଆସି             ଯିବ ବରଷି
          କହନ୍ତି ସୁଧି ଜନେ
ସପନ ଆଜି              ଯାଇଛି ଭାଜି
          ଭାଳି ହେଉଛି ମନେ…
ହସିଲା ମୁହଁ             କେମିତି କୁହ
          ସହୁଛି ତୁମ ଦେହ 
ବିକଳ ଦୃଦ               ହୁଏ ଦଗଧ
          ନୟନୁ ଝରେ ଲୁହ…
HTML tutorial

ଅଧିକ ନୂଆ ପୋଷ୍ଟ ଗୁଡିକୁ ପଢନ୍ତୁ

0 0 votes
Article Rating
Subscribe
Notify of
guest
0 Comments
Inline Feedbacks
View all comments