ହେବି ମୁଁ କାହାର – ନରେନ୍ଦ୍ର ପ୍ରସାଦ ବେହେରା

ଲେଖକ ପରିଚୟ

ନରେନ୍ଦ୍ର ପ୍ରସାଦ ବେହେରା
ଆଳଦା, ଖଇରା, ବାଲେଶ୍ଵର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ମାଆ ଯେଉଁ ଦିନ   ଚାପୁଡେ ମାରିଲା
           କହିଲି ବାପାଙ୍କ କାନେ
ବାପା ଯେଉଁ ଦିନ  ମାରିଲେ ଗୋଇଠା
          ମାଆକୁ ଦେଲି ମୁଁ ପାନେ ।
ପଚାରିଲି, ମାଆ  କିଏ ମୋର ବାପା
         ଦେବୁକି ମୋତେ ବୁଝାଇ
ମାଆର ହେଉନି  ବାପାର ହେଉନି
        ହେବି ମୁଁ କାହାର ଭାଇ ।
ଜନମ କରିଲୁ    କ୍ଷୀର ଖୁଆଇଲୁ
        ତୋତେ ମୁଁ ଡାକିଲି ମାଆ
ବାପା ବୋଲି ଯେଉଁ    ଦୁଇଟା ଅକ୍ଷର
         କାହିଁକି ଲାଗେ ଛାନିଆଁ ।
ତୋ ଗର୍ଭରୁ ପଡି   ଭୂମିଷ୍ଠ ହୋଇଲି
      ମାଆ ମାଆ ଡାକ ଦେଲି 
ସେତେବେଳେ କିଏ  କୋଳକୁ ନେଇଛି
          କହିଦେ ନାମଟି ଖୋଲି ।
କେତେ ଦିନପରେ  ବାପା ଡାକ ମୋତେ
         କିଏ ଶିଖାଇଲା କହ
ତୋତେ ପଚାରୁଛି କହିବୁ ତୁ ମୋତେ
         ଆଖିରେ ନଆସୁ ଲୁହ ।
ଜନମ ହୋଇଲି   ବାପା ମୁଁ ଡାକିଲି
        ମଝିରେ କେତେକ ଦିନ
କେଉଁ ବ୍ଯକ୍ତି ମୋତେ  କରିଛି ଯତନ
        ଦେଖିବି ତା’ର ବଦନ ।
ନରେନ୍ଦ୍ର ପ୍ରସାଦ ବେହେରା,
ଆଳଦା,ଖଇରା,ବାଲେଶ୍ବର, ମୋ-୯୮୫୩୧୪୨୫୧୦

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ