ଝିଅଙ୍କୁ ଉପହାର – ସରୀତା ମହାନ୍ତି

ଲେଖକ ପରିଚୟ

ସରିତା ମହାନ୍ତି
ବାସୁଦେବପୁର, ବାଲିଆପାଳ, ବାଲେଶ୍ୱର | ସଦ୍ୟ ପୋଷ୍ଟ

Read More

ମାଆର ମମତା ବାପାଙ୍କର ସ୍ନେହ
ପୁଅଝିଅ ପାଇଁ ଥାଏ,
ଝିଅଟିଏ ଯେବେ ଜନମ ହୁଏଯେ
ମାଆ ତାର କାନ୍ଦି ଥାଏ  ।

କେତେ ଆଦରରେ ବଢିଥାଏ ଝିଅ
ପରଘରି ହୋଇଯାଏ,
ଯଉତୁକ ନାମେ ଉପହାରଟିଏ
ତା ପାଇଁ ଭୟ ଯେ ହୁଏ  ।

ଗାଆଁର କଥାକୁ ମାଆ ଝୁରୁଥାଏ
ଝିଅକାଳେ ଅସୁରୁଣୀ,
ଜନ୍ମ ହେଉ ହେଉ ବିଦା ହେବ ସିଏ
ଲାଗେ ଯେପରି କାହାଣୀ  ।

ଯଉତୁକ ପ୍ରଥା ଉଠିଯାଇ ଅଛି
ସମସ୍ତେ ତ କହିଥାନ୍ତି,
ଝିଅର ବିଦାୟ ସମୟ ଆସିଲେ
ବାପା,ମାଆ ଝୁରୁଥାନ୍ତି   ।

ଧନୀ ବାପା,ମାଆ ଆନନ୍ଦ ହୁଅନ୍ତି
ଯଉତୁକ ଆମ ନାହିଁ,
ଯଉତୁକ ନାମେ ଉପହାରଟିଏ
ଝିଅକୁ ଯେ ଦେଇଥାଇ  ।

ଗରିବଙ୍କ କଥା କିଏ ସେ ପଚାରେ
ଉପହାର ଉଠିଯାଏ,
ବାପାଟିଏ ତାର ଯଉତୁକ ପାଇଁ
ଆଖିରୁ ଲୁହ ଗଡାଏ  ।

ମାଆଟିଏ ତାର ଗୁମୁରୁ ଥାଏ ଯେ
ଝିଅ କାଳେ ବଳିଦେଲା,
ଯଉତୁକ ପରା ଦେଇ ନ ପାରିଲେ
ପ୍ରାଣ ତା ବନ୍ଧା ପଡିଲା   ।

ଟିଭିଓ ପତ୍ରିକା,ସମାଚାର କଥା
ମନେତାର ପଡିଯାଏ,
କେତେ ଝିଅପରା ବଳିପଡୁଛନ୍ତି
ଆଖି ତାର ଦେଖୁଥାଏ  ।

ହେଉଅବା ଧନୀ ହେଉ ସେ ଗରୀବ
ଝିଅର ସପନ ଏକା,
ଅର୍ଥର ସାମର୍ଥ୍ୟ ନଥାଏ ଯାଠାରେ
ବନିଯାଏ ସିଏ ବୋକା  ।

ଟଙ୍କାର ସାମର୍ଥ୍ୟ ଯାଠାରେ ରହିଲା
ଉପହାର ଯାଚିଦେଲା,
ଗାଡିଘୋଡା ଆଉ ଟଙ୍କା ଯାଚିଦେଇ
ପୁଅଟିକୁ କିଣିନେଲା  ।

ସ୍ୱାର୍ଥ ପଛେ ଆଜି ସଭିଏଁ ଧାବନ୍ତି
ବିବେକ ଯାଉଛି ହଜି,
ଉପହାର ନାମେ ଯଉତୁକକୁ
ଧନୀଟି ପାଉଛି ଖୋଜି  ।

ମାଆ କାନ୍ଦିଥାଏ ଝିଅଟିଏ ପାଇଁ
ଝିଅ ଜନମ ନହେଉ,
ଯଉତୁକପାଇଁ ମୋ ପ୍ରାଣପ୍ରତିମା
ତା ଜୀବନଟି ନ ଦେଉ  ।

ଝିଅର ଜନମ ଭୟଭୀତ ଆଜି
କାରଣ ଅଟେ ଯଉତୁକ,
ଅଧମ ମଣିଷ ବୁଝିପାରୁନାହିଁ
କାହାକୁ ଲାଗେ କଉତୁକ  ।

ଆଖିରେ ସପନ ମନର ଆନନ୍ଦେ
ଶାଶୁଘର ଯାଇଥାଏ,
ଯଉତୁକ ବ୍ୟାଧି ନିଏ ତା ଜୀବନ
ମାଆ କୋଳ ଖାଲି ହୁଏ  ।

ମରିଗଲାପରେ ନାରୀ ସଂଗଠନ
ତା କାମଟି କରିଥାଏ,
ଜୀବନତ ଆଉ ଫେରିଆସେ ନାହିଁ
ଅକାଳରେ ଝଡିଯାଏ  ।

ବେଳୁହିଁ ଗୋବିନ୍ଦ ସୁମରିଲେ ପରା
ପ୍ରମାଦଟି ପଡେନାହିଁ,
ବୟସ ଗଡିଲେ ସୁମରିବା ପାଇଁ
ମନବଳ ରହେ ନାହିଁ  ।

ନବୀନ ଯୁବକ,ମାତୃବୃନ୍ଦଗଣ
ସ୍ୱର ଉତ୍ତୋଳନ କର,
ଯଉତୁକ ପ୍ରଥା ଉଠାଇ ଦେଶରୁ
ଝିଅକୁ ଜନମ କର  ।

ପ୍ରତିପତ୍ତି ଅଛି ସବୁ ଭୂଲିଯାଇ
ଗରିବଙ୍କୁ ସାହା ହୁଅ,
ଝିଅସଂଖ୍ୟା ପରା ଲୋପ ପାଇଲାଣି
ସଜାଗ ଟିକିଏ ହୁଅ   ।

ସରୀତା ମହାନ୍ତି, ଶିକ୍ଷୟତ୍ରୀ
ଗ୍ରାମ/ପୋ – ବାଲିଆପାଳ, ଥାନା – ବାଲିଆପାଳ
ଜିଲ୍ଲା – ବାଲେଶ୍ୱର, ପିନ୍ – ୭୫୬୦୨୩
ମୋ – ୮୦୯୩୫୯୦୦୯୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ