ସମ୍ବଲପୁରୀ କବିତା – ରକତେ ଲେଖିଛେଁ ଚିଠି – ସମୀର କୁମାର ମହାମଲ୍ଲୀକ

ଲେଖକ ପରିଚୟ

Blog | +

ଏହି ବିଷୟଟି 6 ଜଣ ପାଠକ ପଢି ସାରିଛନ୍ତି

ମନ୍ ମାଗିଥିଲୁ, ମନ୍ ଦେଇଥିନି
ମନ୍ କେ ଦେଲୁ ମୋର୍ ଭାଂଗି,
ଫୁଲ୍ ଲେଖେ ମତେ ଛିଡେଇ ନେଇ
ଫିକି ଦେଲୁ ଟିକେ ସୁଂଘି  ।
ଜୀବନ୍ ଠାନୁ ଜହ ଜରୁରତ୍ ଥିଲୁ
ହେଲେ ଇ ଜୀବନ୍ ଦେଲୁ ଜାଲି ,
ଟାନୁଆଁ ଧାରେଲୋ ଟଁଟି କାଟି ଦେଲୁ
ହେଇକରି ବେଁକର୍ ମାଲି ।
ଧୋକା ପାଇ ତୋର୍ , ଦରଦ୍ ସହେବାକେ
ମୋର୍ ହୁରୁଦ୍ ନେ ନାଇଁନ ତାକତ୍ ,
ଶେଷ୍ ଚିଠି ତତେ ଲେଖୁଛେଁ ପ୍ରିୟାରେ
ମୋର୍ ଛାତିନୁଁ ଝରେଇ ରକତ୍ ।
ଯାହିଁ ଥିଲେ ତୁଇ ହଁସି ଖୁସି ରହ
ଦୁଖ୍ ନାଇଁ ଆସୁ କେଭେ ,
ଭୁଲିଯିବୁ ମନୁ , ପୁଛି ହେଇକରି
ତୋର୍ ଆଁଖି ଲହ ଝରବା ଯେଭେ ।
ମୋର୍ ଠାନୁ ତୁଇ ଦୁର୍ ହେଇଗଲୁ
ଦଇବ ଦେଇଥିଲା ଲେଖି ,
ସାରା ଜୀବନ୍ ମୁଇଁ ଖୁସି ହେମି ଲୋ
ତୋର୍ ମୁହେଁ ଖୁସି ଦେଖି ।

ସମୀର କୁମାର ମହାମଲ୍ଲୀକ
ମଧ୍ୟପଡା, କୁଶୁର୍ଡା, ସୋହେଲା, ବରଗଡ଼ 

HTML tutorial

ଅଧିକ ନୂଆ ପୋଷ୍ଟ ଗୁଡିକୁ ପଢନ୍ତୁ

0 0 votes
Article Rating
Subscribe
Notify of
guest
0 Comments
Inline Feedbacks
View all comments