ପ୍ରତାରଣା – ଜିତେନ୍ଦ୍ର ସାହୁ

ଲେଖକ ପରିଚୟ

ବ୍ଲଗ | ସଦ୍ୟ ପୋଷ୍ଟ

ଏହି ବିଷୟଟି 6 ଜଣ ପାଠକ ପଢି ସାରିଛନ୍ତି

କଥାଦେଇଥିଲି ଭୁଲିବିନି ବୋଲି
   ଚାଲୁଥିବା ଯାଏଁ ମୋ ନିଶ୍ବାସ,
ମୁଁ ଯେ ମୋର କଥା କଲିନାହିଁ ମିଥ୍ୟା
    ତୁ କିନ୍ତୁ ଭାଙ୍ଗିଦେଲୁ ବିଶ୍ବାସ,,।।
ଛାଡି ଚାଲିଗଲୁ ଭଲ କି ଯେ କଲୁ
    ମୋ ସାଥିରେ ଚାଲି ଅଧା ବାଟ,
ନିରୁପାୟ ବୋଲି ସହି ସିନା ଗଲି
    ତୋ ନାଗୁଣୀ ମୁଖର ସେ ଚୋଟ,,।।
ରହିଛି ସେଇଠି ଛାଡି ତୁ ଯେଉଁଠି
   ଯାଇଅଛୁ କରି ମତେ ଏକା,
ଚାଲିଲା ପାଦଟା ଭୁଲିଛି ବାଟଟା
    ପ୍ରେମିକ ଜୀବନ ପଡି ଫିକା,,।।
ଭଲପାଇବାରେ ଛଳନା ଜହରେ
     ଦେଇଗଲୁ ତୁ ଯେଉଁ ପାଉଣା,
ଆହାତ ହୃଦୟ ତାର ପରିଚୟ
     ଲହୁରେ ଲେଖିଲା “ପ୍ରତାରଣା”,,

ଜିତେନ୍ଦ୍ର ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ


HTML tutorial
0 0 ରିଭିୟୁ
ପୋଷ୍ଟ ରେଟିଙ୍ଗ
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ