ଦାଦନ – ପ୍ରମୋଦ କୁମାର ପଣ୍ଡା

ଲେଖକ ପରିଚୟ

ପ୍ରମୋଦ କୁମାର ପଣ୍ଡା
ବାଘମାରୀ, ଖୋରଧା | ସଦ୍ୟ ପୋଷ୍ଟ

Read More

ଆର ସନ ଠାରୁ ଗୁରିଆ ଯାଇଛି
ଇଟା ଗଢିବାକୁ ବିଦେଶକୁ
ଦଶହରା ଗଲା ପୁଅ ନଫେରିଲା
ମା ଚାହେଁ ଦାଣ୍ଡ ଦୁଆରକୁ
ଫୋନ୍ କରିଥିଲା ପଡିଶାକୁ
ମାଲିକ ଛାଡୁନି ବାର ଘଣ୍ଟା କାମ
ଫୁରୁସତ ନାହିଁ ଖାଇବାକୁ

ଖବର ଆସିଲା ଗାଆଁ ଦୁଲୁକିଲା
ସମସ୍ତେ କହିଲେ ଆହା ଆହା
ଗୁରିଆ ମା ର ଚେତା ବୁଡିଗଲା
ବୁଢୀବେଳେ କିଏହେବ ସାହା
ନିଆଁ ଦେବାପାଇଁ ନାହିଁ ରାହା
ଭେଣ୍ଡା ପୁଅ ଘରୁ ଗଲା ହସି ହସି
ଆସିଲା ମରଣ ବାର୍ତ୍ତା ଯାହା

ଆର ସାହି ହରି ଝୀଅ ଗୁରୁବାରୀ
ସଙ୍ଗେ ଯାଇଥିଲା କଥା ତୁଟି
ଏ ସନ ମାଘରେ ଗୁରିଆ ସାଥୀରେ
ପଡିଥାନ୍ତା ତା’ର ହାତଗଣ୍ଠି
ବିଧାତା ଧଇଲା ଯାହା ତଣ୍ଟି
ଏଠି ମିଳୁନାହିଁ କାମ ବୋଲି ପୁଅ
ବିଦେଶ ଗଲା ଦାଦନ ଖଟି

ସରକାର କହେ ବିକାଶ ହେଉଛି
ବଢୁଛି ଆର୍ଥିକ ମାନଦଣ୍ଡ
ଭୋକରେ ରହିବେ ନାହିଁ ଜଣେ କେହି
ଦୁର୍ନୀତି କଲେ ମିଳିବ ଦଣ୍ଡ
ଯୋଜନା ଗୁଡାକ ଲଣ୍ଡଭଣ୍ଡ
ଭୋଟ୍ ବେଳକୁ ଆସିଯିବେ ସବୁ
ସରକାରଙ୍କର ପୋଷା ଷଣ୍ଢ

ପ୍ରମୋଦ କୁମାର ପଣ୍ଡା
ବାଘମାରୀ, ଖୋର୍ଦ୍ଧା


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ