କବିତା – ଧନୁରେ ଧନ୍ୟ ଉତ୍କଳ ଧାମ – ସନ୍ତୋଷ ପଟ୍ଟନାୟକ

ଲେଖକ ପରିଚୟ

ସଦ୍ୟ ପୋଷ୍ଟ

ଏହି ବିଷୟଟି 2 ଜଣ ପାଠକ ପଢି ସାରିଛନ୍ତି

ଶୀତ ସକାଳର କାକର ଟୋପାରେ 
    ଭିଜି ଯାଇଥିଲା ଧରଣୀ କାନୀ
ସୁରୁଜ ଦେବତା ଦୟା ପରଶିଲେ 
     ହୃଦ କନ୍ଦରରୁ କିରଣ ବୁଣି….
                 ଧର୍ମ ଦେବତାଙ୍କ ଧରମ କାମରେ 
                   ଝଲିସି ଉଠିଲେ ଧରଣୀ ରାଣୀ
                 ନାରୀଙ୍କ ସୁନ୍ଦର ନାରୀଙ୍କ ସମ୍ମାନ 
                    ବଢଇ ପାଇଲେ ପୁରୁଷ ମଣି….
ଉତ୍କଳୀ ପରଖି ସ୍ବର୍ଣ୍ଣିମ ଶୋଭାକୁ
  ବିମୋହିତ ମନେ ଭକ୍ତିକୁ ଧରି 
  ବିଧି ବିଧାନକୁ ସମ୍ମାନଟେ ଦେଇ 
  ମିଷ୍ଟାନ୍ନ ତିଆରେ ସରାଗ ଭରି…
                   ଧବଳ ବର୍ଣ୍ଣଟା ସୁରୁଯଙ୍କ ରୂପ 
                    ଧଳା ଭୋଗ ତାଙ୍କ ଶାସ୍ତ୍ର ସମ୍ମତ
                 ଲିଆ,ଗୁଡ ନେଇ ଗଢିଲା ଯତନେ
                     ଅପୂର୍ବ ମହକେ ହଜିଲା ଚିତ୍ତ…
ଆନମନା ଆଜି ଧରମ ଦେବତା
  ଉତ୍କଳୀ ହାତରୁ ଭୋଗକୁ ପାଇ
କେତେ ପବିତ୍ର ସେ ସତରେ ଉତ୍କଳୀ 
  ସ୍ବୟଂ ଭଗବାନ ନିବାସ ତହିଁ….
                 ଧନ୍ୟ ସେ ଉତ୍କଳ ଧନ୍ୟ ବି ଉତ୍କଳୀ
                    ଧାର୍ମିକ ଭାବକୁ ହୃଦରେ ନେଇ 
                 ଧରାପରେ କେହି ଧର୍ମୀଟେ ନାଇଁ 
                  ଧୌର୍ଯ୍ୟଶୀଳ ତା’ ଭାଙ୍ଗିବା ପାଇଁ…
ଧନୁ ସଂକ୍ରାନ୍ତିରେ ଧରମ ଦେବତା 
  ପୂଜ୍ୟ ପୂଜା ଟିକ ତାଙ୍କରି ପାଇଁ 
ମିଷ୍ଟାନ୍ନ ଭୋଗଟି ଧନୁମୁଆଁ ନାମ 
  ଜନମସ୍ଥାନ ତା ଗଞ୍ଜାମ ଭୂଇଁ….

ସନ୍ତୋଷ ପଟ୍ଟନାୟକ, ଗଞ୍ଜାମ  ।


HTML tutorial
0 0 ରିଭିୟୁ
ପୋଷ୍ଟ ରେଟିଙ୍ଗ
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ