କବିତା – ଗୁହାରୀ ଝିଅଟିର – ବାସନ୍ତୀ ଲତା ଜେନା

ଲେଖକ ପରିଚୟ

ବାସନ୍ତୀଲତା ଜେନା
ଗାନ୍ଧୀନଗର, ନବରଙ୍ଗପୁର | + ଏହି ଲେଖକଙ୍କର ଅନ୍ୟ ଲେଖା ପଢିବାକୁ [ଏଠାରେ କ୍ଲିକ କରନ୍ତୁ]

 ମାତା ଗର୍ଭେ ଥାଇ କରୁଛି ଗୁହାରୀ 
          ଶୁଣ ଗୋ ଜନକ ମୋର
ଝିଅ ବୋଲି ମୋତେ କରନାହିଁ ପର 
         ମୁଁ ପରା ତୁମ ରକ୍ତର   ll 
ତୁମ ସ୍ନେହ ଶ୍ରଦ୍ଧା ଟିକିଏ ପାଇଲେ 
        ହେବି ମୁଁ ଜଗତ ଜିତା 
 ସବୁ କାମରେ ମୁଁ ଆଗଭର ହେବି 
          ସତ ମୁଁ କହୁଛି ପିତା     ll 
ମନ ଦେଇ ମୁଯେ ପଢ଼ିବି ପାଠ 
       ମାନିବି ତୁମ ଆଦେଶ 
 ତୁମର କାମ ସବୁ ମୁଁ କରିବି 
       ନ କରିବି ଅବଶୋଷ       ll
ଶରୀର ଅସୁସ୍ଥ ଯେବେ ହେଉଥିବ 
       ତୁମର ସେବା କରିବି 
ଘର କାମ ପଛେ ସବୁ ମୁଁ କରିବି 
       ମନା କେବେ ନ କରିବି        ll 
ମା ‘ଙ୍କୁ ଯନ୍ତ୍ରଣା ଦିଅ ନାହିଁ ବାପା 
         ମୋତେ ପର କର ନାହିଁ 
ଆଜିର ଦିନରେ ପୁଅ ଝିଅ ଦୁହେଁ 
      ସାନ ବଡ କେହି ନାହିଁ        ll 
ଝିଅ ହୋଇଥାଏ ପିତାଙ୍କର ମାନ 
          ପୁଅ ତ ଦାୟାଦ ସିନା 
ଝିଅ ନ ଥିଲେ ତ ଘର କି ସୁନ୍ଦର 
           ନ କର ତୁଛ ଭାବନା      ll 
ସୂର୍ଯ୍ୟାଲୋକ ମୋତେ ଦେଖିବାକୁ ଦିଅ 
        କୋଳରେ କୋଳେଇ ନିଅ 
    ପିତା ମାତାଙ୍କର ଶ୍ରଦ୍ଧାରେ ବଢିଲେ 
           ନା, ରଖିବ ତୁମରି ଝିଅ   ll 
           

ବାସନ୍ତୀ ଲତା ଜେନା, ସହକାରୀ ଶିକ୍ଷୟିତ୍ରୀ
ଗାନ୍ଧିନଗର, ନବରଙ୍ଗପୁର, ମୋ – 8658655979

Leave a Reply

Your email address will not be published. Required fields are marked *