କବିତା – ଶାନ୍ତି – ଡକ୍ଟର ନୀଳମାଧବ କର

ଲେଖକ ପରିଚୟ

ଡକ୍ଟର ନୀଳମାଧବ କର
ଓଲଭରହାମ୍ପଟନ, ଇଉନାଇଟେଡ କିଙ୍ଗଡମ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଏହି ବିଷୟଟି 2 ଜଣ ପାଠକ ପଢି ସାରିଛନ୍ତି

କେବେ ଆଉ ଆସିବ ତମେ
ଅଙ୍ଗନରେ
କାଉଁରୀ ପରଶ ନେଇ
ସ୍ଵପ୍ନକୁ ସଜେଇ।

ଆବାହନୀ ଝଡ଼ କେଉଁ କାଳୁ
ଗଲେଣି ବାହୁଡ଼ି
ଅଣୁ ପରମାଣୁ ଭେଦି
ତନ୍ତ୍ରୀ ଦୋହଲାଇ।

ଆଗକୁ ଆଉ କିଛି ଋତୁ ନାହିଁ
ଦୃଶ୍ୟ ନାହିଁ
ରଙ୍ଗମଞ୍ଚରେ
ଧୂସର ଜୋଛନା
ଭୟଙ୍କର ବୃକ୍ଷର ପଞ୍ଜରା
ଅଟକି ଯାଇଥିବା
ନିରୀହ ଜଳର ଆଇନାରେ
ଅଶରୀରୀ ଛାଇ ଏଠି ସେଠି।

ଆଗକୁ ଆଉ କିଛି ଋତୁ ନାହିଁ
ଦୃଶ୍ୟ ନାହିଁ
ତମ ଆସିବା ପାଇଁ
ସେ ସବୁଜ ପୃଥିବୀ ନାହିଁ
ନୀଳ ସମୁଦ୍ର ନାହିଁ
ଆକାଶ ନାହିଁ, ବର୍ଷା ନାହିଁ।
ତମକୁ ଭଲ ପାଇବାକୁ
ହୃଦୟଟେ ବି ନାହିଁ।
ତମ ଆଗମନୀର ଆଶାରେ
ଅପେକ୍ଷାରେ, ସମୟ (ବି) ସରି ଯାଇଛି
ତିଳ ତିଳ ହେଇ।

ଆଗକୁ ଆଉ କିଛି ଋତୁ ନାହିଁ
ଦୃଶ୍ୟ ନାହିଁ
ଆମେ କ୍ଲାନ୍ତ – ଆମ କବରରେ
ଜୀବନ୍ତ ଆଶାଟେ ସହ –
ସତେ କି ଆସିବ ତମେ
ସିଞ୍ଚିଦେଇ ସଞ୍ଜୀବନୀ ମନ୍ତ୍ର !

ଡା. ନୀଳମାଧବ କର, ମନରୋଗ ଚିକିତ୍ସକ, ଓଲଭର ହାମ୍ପଟନ, ଇଂଲଣ୍ଡ


HTML tutorial
0 0 ରିଭିୟୁ
ପୋଷ୍ଟ ରେଟିଙ୍ଗ
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ