କବିତା – ଆଗୋ ନିରିମାଖି ପ୍ରାଣ ପ୍ରିୟା ମୋର – ତାରାପ୍ରସାଦ ଜେନା

ଲେଖକ ପରିଚୟ

ତାରାପ୍ରସାଦ ଜେନା
ରଣପୁର, ନୟାଗଡ, ଓଡିଶା | ସଦ୍ୟ ପୋଷ୍ଟ

Read More

ଆଗୋ ନିରିମାଖି ପ୍ରାଣପ୍ରିୟା ମୋର
ଚାହଁ ଟିକେ ମୁଖ ତୋଳି
ଅଭିମାନ ଆଉ ବଡ଼ କରି ଏତେ
ଦିଅନାହିଁ ମନେ ଗାଳି !

କଥା ରଖି ଦିନେ ଆସିଲିନି ବୋଲି
ସେଥିଲାଗି ଭୁଲ ହସ
କବରୀକୁ ଧୀରେ ଦେଖାଅଗୋ ଖୁସି
ଖୋସିଦେବି ଫୁଲ ବାସ,
ମିଛଟାରେ ଆଉ ପ୍ରାଣପକ୍ଷୀ ଏତେ
ଫୁଟାଅନି ମାନ ଗୁଳି !
ଆଗୋ ନିରିମାଖି ପ୍ରାଣପ୍ରିୟା ମୋର
ଚାହଁ ଟିକେ ମୁଖ ତୋଳି……..

ସହଜରେ ଏବେ ତୁମ ସୁଖ କୋଳେ
ପଡ଼ିବାକୁ ଚାହେଁ ଲୋଟି
ତୁମ ଆଙ୍ଗୁଳିକୁ ମଥା ପରେ ଚାଳି
ବ୍ୟଥା ମୋର ଦିଅ କାଟି,
ମୋହ ଲୁହ ଆଉ ଝରାଅନି ତୁମେ
କବାଟକୁ ପାଶେ କିଳି !
ଆଗୋ ନିରିମାଖି ପ୍ରାଣପ୍ରିୟା ମୋର
ଚାହଁ ଟିକେ ମୁଖ ତୋଳି……..

ସମୟର ଚିଠି କେତେ ଭାବ ଥିଲା
ପୁଣି ଥରେ ଯାଅ ପଢ଼ି
ପ୍ରେମଛଡ଼ା ମତେ ଦୋଷୀ କରନାହିଁ
ଅଯଥାରେ ତୁମେ ଲଢ଼ି,
ଭାବ ବନିଶୀରେ ପ୍ରେମ ଥୋପ ମୁଁଯେ
ବାରେ ଏବେ ନିଅ କଳି !
ଆଗୋ ନିରିମାଖି ପ୍ରାଣପ୍ରିୟା ମୋର
ଚାହଁ ଟିକେ ମୁଖ ତୋଳି……..

ରଚନା : ତାରାପ୍ରସାଦ ଜେନା

ଠିକଣା : ରଣପୁର, ନୟାଗଡ଼,  ଦୂରଭାଷ : 9348054300


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ