କବିତା – ବଜର କରିବ ଶଙ୍ଖା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ତୁମରି ମୂଳରେ ଜଳ ଢାଳି ନିତି
ଫୁଲ ଦେଉଅଛି ତୋଳି ,
ମାଆ ବୃନ୍ଦାବତୀ ଦୟା ରଖିଥିବ
ବିପତ୍ତି ମୋ ଦେବ ଟାଳି ।
ତୁମ ସେବା ପୂଜା କରୁଛି ମାଆ ଗୋ
ମନରେ ଭକତି ଭରି ,
କରୁଣା କରିଲେ-ରାଜା ପୁଅ ଆସି
ନେବେ ମୋର ହାତ ଧରି ।
କୋଉଦିନୁ ତାଙ୍କ ବାଟ ଚାହିଁ ଅଛି
ଆସିବେ ସତରେ ସିଏ ,
ରୂପ,ଗୁଣ ଆଉ ବିଭବରେ ତାଙ୍କ
ସରି ହୋଇବେନି କିଏ ।
କୋଳକୁ ମୋହର ଦେବ ପୁଅ ଝିଅ
ବଜର କରିବ ଶଙ୍ଖା ,
ପାଚିଲା ବାଳରେ ସିନ୍ଦୁର ନାଇବି
କର୍ମ ନ କରିବ ବଙ୍କା ।
ତୁମ ସେବା,ପୂଜା,ଭକତିରେ କେବେ
କରିବିନି ଅବହେଳା ,
ସୁରୁଖୁରୁରେ ମା’ ଚଳେଇ ନେବ ଗୋ
ମୋ ସଂସାର ଲୀଳା-ଖେଳା ।

ମାମୁରିଆ, ଛେଣ୍ଡିପଦା, ଅନୁଗୋଳ ।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ