ବ୍ୟଙ୍ଗ କବିତା – ଅଲାଜୁକ ନଟିଆ – ଆଶ୍ରିତ୍ ମହାପାତ୍ର

ଲେଖକ ପରିଚୟ

ଆଶ୍ରିତ ମହାପାତ୍ର
ଟାଙ୍ଗି, ଖୋରଧା, ଓଡିଶା | ସଦ୍ୟ ପୋଷ୍ଟ

ନଟିଆ ଆମର କଲେଜ ଯାଉଛି
ଦଶମ କିଲାସ ଡେଇଁ ।
ଚୁଟି କଟାଠାରୁ ଫେସନରେ ତାର
କୌଣସି ଅଭାବ ନାହିଁ ॥

ବାପା ଧରିଛନ୍ତି ଚିପା ମୋବାଇଲି
ପୁଅ ଧରିଅଛି ଛୁଆଁ ।
ପକେଟେ ପୁଡ଼ିଆ, ଓଠେ ସିଗାରେଟ
ଚିପିକି କାଢୁଛି ଧୂଆଁ ॥

ଜିନିସି ପିଆଣ୍ଟ ପିନ୍ଧିଛି ଯେ ଟୋକା
ଚିରା ଫଟାଫଟା ଦିଶୁଛି ।
ମୁହେଁ ବୋଳି ସିଏ, ସ୍ନୋ ପାଉଡର
ଦରପଣ ଆଗେ ମାଖୁଛି ॥

ଟିକିଟକ କରି ସେଲଫି ଉଠାଇ
ହଜାରେ ମେସେଜ ଛାଡୁଛି ।
ବାଟେ ଘାଟେ ଝିଅ ନଜରେ ଆଇଲେ
ହୁଇସିଲି ଗୀତ ମାରୁଛି ॥

କଲେଜ ଛୁଇଁଲା ନଲେଜ ଉଇଁଲା
ପାଠପଢ଼ା ମନ ଛାଡି ।
ଅଲାଜୁକ ଏହି ନଟିଆ ଆମରି
ବୁଲେଟେ ଆସୁଛି ମାଡ଼ି ॥

ରଚନା : ଆଶ୍ରିତ୍ ମହାପାତ୍ର

ଠିକଣା : ଟାଙ୍ଗି, ଖୋର୍ଦ୍ଧା ଦୂରଭାଷ :


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ