କବିତା – ଫିଟି ପଡ଼ିଥିଲା ତଳେ – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ରହ ନୂପୁର ତୋ ବାନ୍ଧି ଦେଉଅଛି
ଫିଟି ପଡ଼ିଥିଲା ତଳେ ,
ପଦ୍ମମାଳ ଗୁନ୍ଥି ସାଇତି ରଖିଛି
ପିନ୍ଧାଇ ଦେବିରେ ଗଳେ ।
ହେଇ ଆସିଲେଣି ସାଥୀମାନେ ପରା
ଗୋରୁ ଘେନି ଯିବା ବନେ ,
ଶିଙ୍ଗା ବଇଁଶୀ ଓ ଅନ୍ନ ପୁଡ଼ା ନେବୁ
କାହ୍ନାରେ ତୁ କରି ମନେ ।
ଦୁଧ ସରପୁଳି ସାଥେ ନେବି ମୁହିଁ 
ସବୁ ସାଥୀଙ୍କର ପାଇଁ ,
ମାଆଙ୍କ ପାଖରେ ଜଞ୍ଜାଳ କରନା
ଚଞ୍ଚଳ ଆ’ ଯିବା ଧାଇଁ ।
ସୁନାଭାଇଟା ମୋ ଅବୁଝା ହୁଅନା
ବନକୁ ଯିବାରେ ମିଳି ,
ଗୋରୁ ଚରାଇକି ମଉଜ କରିବା
ଖାଇବା ବନରୁ କୋଳି ।
ସବୁଦିନ ଯାଉ ଖୁସିରେ ବାହାରି
ବାହାନା କରୁଛୁ ଆଜି ,
ଆସୁଛି କି କେଉଁ ସଙ୍କଟ ଗୋପକୁ
ପୁଣି ବହୁରୂପୀ ସାଜି !!
ମାମୁରିଆ, ଛେଣ୍ଡିପଦା,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ