ତ୍ରିପୁରବନ୍ଦ୍ୟା – ରମେଶ ଚନ୍ଦ୍ର ମିଶ୍ର

ଲେଖକ ପରିଚୟ

ରମେଶ ଚନ୍ଦ୍ର ମିଶ୍ର
ସମ୍ପାଦକ - ତ୍ରିଧାରା ସାହିତ୍ୟ ସଂସଦ, ବଇଣ୍ଡା, ଅନୁଗୋଳ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

(ଆସନ୍ତାକାଲି ସାବିତ୍ରୀ ବ୍ରତ ଉପଲକ୍ଷେ ସମସ୍ତ ମାତୃଜାତିକୁ ସମର୍ପିତ )

ଶୀଳତା, ଚାତୁର୍ଯ୍ୟ, ସତୀତ୍ବ, ନିଷ୍ଠା
ଏକାକାର ଯେବେ ହୋଇଯାଏ
ଧର୍ମ ଦେବତା ମୃତ୍ୟୁପତିଙ୍କ
ଉଚ୍ଚମସ୍ତକ ନଇଁଯାଏ । ୧

ନିଷ୍ଠା, ସାଧନା ଆକାଶ ଛୁଇଁଲେ
ଅସମ୍ଭବ କିଛି ରହେନାହିଁ
ମୃତ ଦେହେ ପ୍ରାଣ ସଞ୍ଚରିଯାଏ
ନିୟତି ବି ଦିଏ ମୁଣ୍ଡ ନୁଆଁଇ । ୨

କଠୋର ପ୍ରାଣର ଦୃପ୍ତ ଚେତନା
କଠିନ ବରଫ ଖଣ୍ଡ ପରି
ସତୀତ୍ବର ତୀବ୍ର କିରଣ ଜାଳରେ
ପାଲଟିଯାଏ ସେ ଶୀତଳ ବାରି । ୩

ମନ, ବଚନ ଓ କର୍ମ ଯାହାର
ଏକ ବିନ୍ଦୁଗାମୀ ହୋଇଯାଏ
ପ୍ରବଳ ଊର୍ଜ୍ଜା ଅଧିକାରୀ ସେହି
ସଫଳତା ପାଦେ ଲୋଟିଯାଏ । ୪

ଦୀପ୍ତ ଚେତନା ଜାଗ୍ରତ କରି
ସାବିତ୍ରୀ ସେଦିନ ଜନ୍ତୁପତି-
କଠୋର ପ୍ରାଣକୁ ଦୋହଲାଇ ଦେଲେ
ବଞ୍ଚାଇଦେଲେ ଆପଣା ପତି । ୫

ନାରୀ-ନାରାୟଣୀ ସୃଷ୍ଟିବୁକେ
କଲ୍ୟାଣମୟୀ ସୁମନୋହର
ତ୍ରିପୁରବନ୍ଦ୍ୟା ଆଦ୍ୟା ଜନନୀ
ସକଳ ଶକ୍ତି ମୂଳ ଆଧାର । ୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ