କବିତା – ଗର୍ବ ଅହଙ୍କାର – ନରେନ୍ଦ୍ର ପ୍ରସାଦ ବେହେରା

ଲେଖକ ପରିଚୟ

ନରେନ୍ଦ୍ର ପ୍ରସାଦ ବେହେରା
ଆଳଦା, ଖଇରା, ବାଲେଶ୍ଵର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଜୀବନ ଯୌବନ  ନୁହେଁ ଚିରସ୍ଥାୟୀ
        ତଥାପି କରୁଛି ଗର୍ବ
ବୁଝିପାରୁ ନାହିଁ  ଏମୂଢ ମଣିଷ
    ଗର୍ବ ହେବ ଦିନେ ଖର୍ବ ।
ରୂପ ଯୌବନରେ  ମତୁଆଲା ହୋଇ 
         ଧରାକୁ ମଣୁଛି ସରା
ହଜିଯିବ ଦିନେ  ପୃଥିବୀ ପୃଷ୍ଠରୁ
    କେହି ଦେବେ ନାହିଁ ଧରା ।
ଆଜିର ଯୌବନ  କାଲିକି ନଥିବ
     ଗଣୁ ଅଛ ଯେତେ ଟଙ୍କା
ଯୌବନ ହଟିଲେ  କିଏ ପଚାରିବ
    କହିବେ ମୁଁ ଆଜି ଫାଙ୍କା ।
ମଣିଷ ଜନମ  ପାଇଛନ୍ତି ଆମ୍ଭେ
   ବଡ଼ ଭାଗ୍ଯର ଏ କଥା
ସମସ୍ତଙ୍କ ମୁଖେ  ହସଫୁଟାଇବା
    କରି ପ୍ରଣିପାତ ମଥା ।
ଗର୍ବ କରିଦିନେ  ବଳୀ ମହାରାଜା
     ପାତାଳ ପୁରକୁ ଗଲା
ଏଛାର ମଣିଷ  ମୁଖେ ଲାଜ ନାହିଁ
        ଦୈନିକ କରୁଛି ପାଲା ।
ଯୌବନ ରୂପକୁ  ହଲାଇ ଦାଣ୍ଡରେ
    କରେ କେତେ ଆମନ୍ତ୍ରଣ
ଆମନ୍ତ୍ରିତ ଦିନେ  ନ ଚାହିଁବେ ମୁଖ
    ସରିଲେ ସୁନ୍ଦର ପଣ ।
ଗର୍ବ ଅଟେ ସିନା  ଅଢେଇ ଦିନିଆ
      ତଥାପି ବୁଝୁନି କେହି
ଧର୍ମ ଅଟେ ସିନା  ମହତ ପଣିଆ
    ଯାହା ଗଢିଅଛି ବିହୀ ।
ଗର୍ବ ଅହଙ୍କାରେ   ବଢୁଛି ସମାଜେ
      ନିର୍ଦ୍ଦିଷ୍ଟ କେତେଙ୍କ ପାଇଁ
ଜୀବ ଗଲାବେଳେ  ନଆସିବେ କେହି
      ଗର୍ବୀଙ୍କ ପାଖକୁ ଧାଇଁ ।
ବେଳ ଥାଉ ଥାଉ  ହୁଅ ସାବଧାନ
     ସଭିଙ୍କୁ ଦିଅ ସମ୍ମାନ
ରୂପ ଯୌବନକୁ  ଢାଙ୍କି ରଖିଦିଅ
     ରଖ ହେ ଜାତିର ମାନ ।
ସର୍ବ ସମ୍ମୁଖରେ  ହେବା ସମ୍ମାନିତ
       କରିବେନି କେହି ପର
ସମ୍ମାନ ଦେଲେତ  ସମ୍ମାନ ପାଇବା
      ହୋଇ ସଭିଙ୍କ ନିଜର  ।।
ନରେନ୍ଦ୍ର ପ୍ରସାଦ ବେହେରା,
ଆଳଦା, ଖଇରା,ବାଲେଶ୍ବର, ମୋ-୯୮୫୩୧୪୨୫୧୦

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ