ସର୍ବବ୍ୟାପ୍ତ ତୁମେ – ପ୍ରଣତି ମହାପାତ୍ର

ଲେଖକ ପରିଚୟ

ପ୍ରଣତି ମହାପାତ୍ର
ଫକୀରମୋହନ ନଗର, ବାଲେଶ୍ଵର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ତୁମେ ଅଛ ବୋଲି ପାଶେପାଶେ ମୋର
ଅକର୍ମେ ନ ଯାଏ ମନ,
ତୁମେ ମୋର ସତ୍ୟ ହେ ଶିବସୁନ୍ଦର
କଳାକୃଷ୍ଣ ନବଘନ।
ଦିବସ ରଜନୀ ହେ କଳାକହ୍ନେଇ
ତୋ ନାମ ଭଜନ କରେ,
ଶୟନେ ସ୍ଵପନେ ଅବା ଜାଗରଣେ
ଭଜେ ହରେକୃଷ୍ଣ ହରେ।
ବଡ଼ଦେଉଳରେ ରତ୍ନସିଂହାସନେ
ଭାଇଭଉଣୀଙ୍କ ସହ,
ଆନନ୍ଦେ ବସିଛୁ ଦୁଃଖେ ରହିଛି ମୁଁ
କେମିତି ସହିଛୁ କହ।
ଦୁଃଖହାରୀ ବୋଲି ଜଗତ ଗାଉଛି
ଦୁଃଖ ହରୁ ନାହୁଁ କିଆଁ,
ତୋ ଆଶ୍ରେ ଆଶ୍ରିତ ଏ ସାରା ଜଗତ
ମଉନ କିମ୍ପା କାଳିଆ।
ମଣିଷ ମନରେ ଭରିଦେ କାଳିଆ
ସ୍ନେହ ପ୍ରେମ ଦୟା କ୍ଷମା,
ସୁନ୍ଦର ଧରା ଶୁଭ୍ରାଲୋକେ ହସୁ
ହଟୁ ତିମିରର ଅମା।
ଜୟ ମୋ କାଳିଆ ସୁନା।

ପ୍ରଣତି ମହାପାତ୍ର, ବାଲେଶ୍ଵର


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ