ତୁ, ମୁ ଓ ରାତି

ଲେଖକ ପରିଚୟ

ମୀନାକ୍ଷି ପାଢୀ
ଚିକିଟି ପେଣ୍ଠ, ଗଞ୍ଜାମ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ତୁ ମୁଗ୍ଧ ବିଭୋର ସ୍ମୁତି,
ମୁ ଛାତି ଥରା ଦୀର୍ଘଶ୍ୱାସ….
ତୁ ଚୋରା ଚଇତାଳି ରାତି,
ମୁ ମହୁଲ ଫୁଲର ବାସ ।

ତୁ ଜୋଛନା ଢଳା ପାହାନ୍ତି,
ମୁ ଝରା ପାଖୁଡ଼ାର ପ୍ରୀତି….
ମୋ କମ୍ପନ ଭରା ଫୁଲେ,
ତୁ ରେଣୁ ଝଡ଼ା ପ୍ରଜାପତି ।

ତୁ ପାନ୍ଥଶାଳା ମୁ ରାତି,
ତୁ ସାତ ସୁର ମୁ ଗୀତି….
ମୁ ରାତିର ରଜନୀଗନ୍ଧା,
ତୁ କାକର ବୋଳା ପାହାନ୍ତି ।

ତୁ ଅମୃତ କଳସ ବିନ୍ଦୁ,
ମୁ ଚିରକାଳ ଆକାଂକ୍ଷିତା….
ମାେ ତାତି ଭରା ଛାତି ତଳେ,
ତୋ କାହାଣୀ ଚିର ସାଇତା ।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ