କବିତା – ଯୁଦ୍ଧ ଆଉ ସନ୍ଧି – ଶିବ ଚରଣ ମହାପାତ୍ର

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆସ ନଷ୍ଟନୀଡରେ ସଜେଇବା
ରାତିର କାହାଣୀ
ଜହ୍ନରେ ଭରିଦେବା ଛାତିଭର୍ତ୍ତି ପ୍ରେମ
ଆଉକେତେ ଅଭିସାର ପୁଣି..!!

ଆସ ବାତ୍ୟା ପିଠିରେ ଆଙ୍କିଦେବା
ପୁନରୁଦ୍ଧାର ଚିତ୍ର
ନର କଙ୍କାଳ କାନରେ ଫୁଙ୍କିଦେବା
ମୃତ୍ୟୁଞ୍ଜୟୀ ମନ୍ତ୍ର..!!

ଯୁଦ୍ଧ ତ ଅନେକ ଜିତିଲେ
ସ୍ୱପ୍ନ ପାଇଁ ଜାତି ପାଇଁ ପାରିଜାତ ପାଇଁ..!
ଲୁହ ବି ଅନେକ ଢାଳିଲେ ସମୟର ସାରୁପତ୍ରେ
ଦେହ ପାଇଁ , ଦହନ ପାଇଁ , ଦରିଦ୍ରତା ପାଇଁ..!!

ଆସ ଆଜି ଆଉଥରେ
ଭୋଗୀକୁ ଶୁଣେଇବା
ତ୍ୟାଗର ବିକ୍ରମାଦିତ୍ୟ ଗପ..!
ରାଜା ବିକ୍ରମ ଚିନ୍ତା ଚେତନାରେ ଛାଡିଦେଇଯିବା
ଯୁଦ୍ଧ ଆଉ ସନ୍ଧିର ମିଠା ଅଭିଶାପ..!!

ସେ ହିସାବ ନିକାଶର ନିକିତି ତଉଲୁ ତଉଲୁ
ଆସ ସ୍ୱଚ୍ଛ କରିନେବା ମଣିଷପଣିଆ ଅଳନ୍ଧୁ ଲଗା ରୂପ..!
ଭୂମିରୁ ଭୂମା ଯାଏଁ ମହକେଇ ଦେବା
ଜାଳି ତ୍ୟାଗ ମହାଦୀପ..!!
ସଜେଇ ପ୍ରେମ ଝୁଣା ଧୂପ..!!

      ■■■

*ଶିବ ଚରଣ ମହାପାତ୍ର*
*ଚକ୍ରଧରପୁର:କେନ୍ଦୁଝର*

Sent from my Samsung Galaxy smartphone.

HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ