ଶିଶୁ କବିତା – ଜ୍ଞାନାଲୋକ ଦେବା ଭରି – ଶିବ ପ୍ରସାଦ ସାହୁ

ଲେଖକ ପରିଚୟ

ସମ୍ପାଦକ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ପ୍ରିଣ୍ଟ 🖨 ଇ-ବୁକ 📄

ଆଶିଣ ସରିଲା କାର୍ତ୍ତିକ ଆସିଲା
ଆସିଲାଣି ଦୀପାବଳି
ସଂଜରେ ଦୁଆର ସଜାଇ ରଖିବା
ନୂଆ ମାଟି ଦୀପ ଜାଳି ।।
ପ୍ରଭୁ ରାମଚନ୍ଦ୍ର ଏହି ଦିନ ପରା
ରାବଣ ଅସୁର ମାରି
ଅଯୋଧ୍ୟା ଫେରିଲେ ମନ ଆନନ୍ଦରେ
ଲକ୍ଷ୍ମଣ ସୀତାଙ୍କୁ ଧରି ।।
ବଡ଼ବଡ଼ୁଆଙ୍କୁ ଡାକିଦେବା ସବୁ
ଭାଇ ଓ କୁଟୁମ୍ବ ମିଶି
ସବୁଜ ବାଣକୁ ଫୁଟାଇବା ଆମେ
କରି କେତେ ହସଖୁସି ।।
ଆଲୋକର ପର୍ବ ବଢାଉ ସଦ୍ ଭାବ
ହସି ଉଠୁ ଆମ ଦେଶ
ସଭିଙ୍କ ମନରୁ ଦୂର ହୋଇ ଯାଉ
ହିଂସା କ୍ରୋଧ ରାଗ ରୋଷ ।।
ପର ଆପଣାର ଭେଦଭାବ ସବୁ
ଆମରି ମନରୁ ଭୁଲି
ଏକାଠି ହୋଇବା ସଭିଏଁ ଆମେରେ
ମମତା ଦୀପାଳି ଜାଳି ।।
ସତ୍ଯର ପ୍ର ଦୀପ ଜଳାଇ ଦେବାରେ
ଅସତ୍ୟକୁ ଦୂର କରି
ଅଜ୍ଞାନ ଅନ୍ଧାର ସଂସାରୁ ହଟାଇ
ଜ୍ଞାନାଲୋକ ଦେବା ଭରି ।।