ବରଷକେ ଥରେ – ପଦ୍ମାଳୟା ମିଶ୍ର

ଲେଖକ ପରିଚୟ

ପଦ୍ମାଳୟା ମିଶ୍ର
ପୁରୀ, ଓଡିଶା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଏହି ବିଷୟଟି 6 ଜଣ ପାଠକ ପଢି ସାରିଛନ୍ତି

ଆସୁଛି ଆସୁଛି ବୋଲି ଉତ୍କଣ୍ଠା ଭରି
ସଭିଏଁ ହୁଅନ୍ତି ସଜ
ବରଷକେ ଥରେ ଆସି ଘରେ ଘରେ
ମଉଜ ଆଣିଛି ରଜ ।

ପିଠା ମିଠା ପାନ କୁଆଁରୀ ଛନଛନ
ମହକେ ଘର ଅଗଣା
ହସେ ପୁରପଲ୍ଲୀ ଝୁଲଇ ରଜ ଦୋଳି
ନମାନେ ମନ ବାହାନା ।

ରଜ ଭାର ନେଇ ନୂଆବୋହୂ ଆସଇ
ମଉଜ ଚାଲେ ତ୍ରିଦିନ
କାକରା ଆରିସା ପୋଡପିଠା ସରସା
ଶେଷେ ଖଣ୍ଡେ ଖଣ୍ଡେ ପାନ ।

ନବ ପରିଧାନ ପୁଲକିତ କାନନ
ରଜବତୀ ବସୁମତୀ
ନାରୀ ମନ କଥା ଅନ୍ତରେ ରଖି ବ୍ୟଥା
ପ୍ରତ୍ୟହ କାର୍ଯ୍ୟ ବିରତି ।

ଚାଲିଯିବ ପୁଣି ସମସ୍ତେ ହେବେ ଗୁଣି
ରହିଯିବ ଅପେକ୍ଷାରେ
ବାହୁଡିବ ନିଶ୍ଚେ ଖୁସି ନେଇ ପଣତେ
ହେଲେ ବରଷକେ ଥରେ ।।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

0 0 ରିଭିୟୁ
ପୋଷ୍ଟ ରେଟିଙ୍ଗ
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ