ତୁମ ସ୍ମୃତି ଜାଳେ ମୋତେ – ସିଦ୍ଧେଶ୍ଵର ତ୍ରିପାଠୀ

ଲେଖକ ପରିଚୟ

ସିଦ୍ଧେଶ୍ଵର ତ୍ରିପାଠୀ
ଠିକଣା : କୁଣ୍ଡିଲୋ, କେରଙ୍ଗ, ଖୋରଧା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଭାବନା ରାଇଜେ ହଜିଗଲା ପରେ
ଭେଟ ହୁଏ ତୁମ ସାଥେ
କାଗଜ କଲମ ଧରିଲେ ହାତରେ
ତୁମ ସ୍ମୃତି ଜାଳେ ମୋତେ ।

ଅକ୍ଷର ଶବଦ ପାଦ ଆଉ ପଦ
ଯାହା କିଛି ଦିଏ ଲେଖି
ଶୀର୍ଷକ ସାରାନ୍ସ ଉପଧା ଓ ଛନ୍ଦ
ପ୍ରେମ ରଙ୍ଗ ଥାଏ ମାଖି ।

ବିଭୋର ବେଳାକୁ ବିରହ ପାଗରେ
ସଜାଏ ମୁଁ ଏଇ ହାତେ
କାଗଜ କଲମ ଧରିଲେ ହାତରେ
ତୁମ ସ୍ମୃତି ଜାଳେ ମୋତେ ।

କେତେତ ରଜନୀ ଗଲାଣି ସଜନୀ
ନାହିଁ ସେଇ ମଧୁ ମାସ
ବିଗତ ମଧୁର ଥିଲା ସାତସୂର
ବେସୂରା ଏ ପରିବେଶ ।

ଶେଷ ପଦକରେ ଦେଲ ଯେଉଁ ବିଷ
ରହିଲା ଜୀବନ ସାଥେ
କାଗଜ କଲମ ଧରିଲେ ହାତରେ
ତୁମ ସ୍ମୃତି ଜାଳେ ମୋତେ ।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
1 କମେଣ୍ଟ
ପୁରୁଣା କମେଣ୍ଟ
ନୂଆ କମେଣ୍ଟ କ୍ରିୟାଶୀଳ କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ
ରଙ୍ଗନାଥ ରଥ
ବଣମଲ୍ଲୀ ପାଠକ
ରଙ୍ଗନାଥ ରଥ
6 ମାସ ପୂର୍ବରୁ

ଧନ୍ୟବାଦ ସିଦ୍ଧେଶ୍ଵର ବାବୁ। ସୁନ୍ଦର ଭାବରେ ସ୍ମୃତି ସାଉଣ୍ଟିଛନ୍ତି।
ସାରାନ୍ସ = ସାରାଂଶ (ସାର+ଅଂଶ), ବେସୂରା = ବେସୁରା,