ପ୍ରଭାତ ବନ୍ଦନା – ବୀର କିଶୋର ନାୟକ

ଲେଖକ ପରିଚୟ

ବୀର କିଶୋର ନାୟକ
ଖଣ୍ଡବନ୍ଧ, ଢେଙ୍କାନାଳ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

କେଉଁ ଜନମର ପୂଣ୍ୟବଳେ ପ୍ରଭୋ
ପାଇଛି ଏ ମାଟି ସ୍ପର୍ଶ,
ଓଡିଶା ମାଟିରେ ଜନମ ଦେଇଛ
ତୁମେ ପ୍ରଭୁ ଜଗନ୍ନାଥ |0|
ସାର୍ଥକ ହୋଇଛି ଜୀବନ ମୋହର
ନିତି ଦରଶନେ ତୁମରି ପୟର
ତୁମରି କରୁଣା ଢାଳିଦିଅ ପ୍ରଭୋ
ସଂସାର ହେଉ ସୁଖଦ |1|
ଏ ବିଶ୍ୱ ଗଢିଛ କେତେ ଯତନରେ
ଆକାଶ, ସାଗର ଶ୍ୟାମ ସୁଷମାରେ
ପ୍ରକୃତିରେ ଯାଦୁ ଭରି ମୋହୁଅଛ
ମାୟା ନୁହେଁ ତୁମେ ସତ୍ୟ |2|
ଵୁଝି ମୁଁ ପାରେନା ସୃଷ୍ଟିର ରହସ୍ୟ
ସବୁ ନରେ ସାମ୍ୟ ନରଖି ଗଢିଛ
କିଏ ରାଜା ଏଠି କିଏ ଭୁଞ୍ଜେ ଦୁଃଖ
ତୁମେ ତ ସବୁ ଦେଖୁଛ |3|
ସଂସାର ସାଗରୁ ପାରିକର ବାରେ
ଅନ୍ୟାୟ ଅନୀତି ଭାବ ଯାଉ ଦୂରେ
ଜଗତରେ ଶାନ୍ତି ଭ୍ରାତୃତ୍ୱର ପ୍ରୀତି
ଭରିଦିଅ ହୋଇ ପ୍ରୀତ |4|

ବୀରକିଶୋର ନାୟକ,
ଖଣ୍ଡବନ୍ଧ, ଢେଙ୍କାନାଳ |
ଫୋନ.8847842297


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
1 କମେଣ୍ଟ
ପୁରୁଣା କମେଣ୍ଟ
ନୂଆ କମେଣ୍ଟ କ୍ରିୟାଶୀଳ କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ
ରଙ୍ଗନାଥ ରଥ
ବଣମଲ୍ଲୀ ପାଠକ
ରଙ୍ଗନାଥ ରଥ
10 ମାସ ପୂର୍ବରୁ

ଧନ୍ୟବାଦ କବି ଶ୍ରୀଯୁକ୍ତ ବୀରକିଶୋର ନାୟକ।
କବିତା ମାଧ୍ୟମରେ ସୁନ୍ଦର ଭକ୍ତି ନିବେଦନ। ନିୟମିତ ଭାବରେ ଲେଖା ଜାରି ରଖନ୍ତୁ।
ପୂଣ୍ୟବଳେ = ପୁଣ୍ୟବଳେ,