କବିତା – ମା’ ଦଶଭୂଜା – ନରେନ୍ଦ୍ର ପ୍ରସାଦ ବେହେରା

ଲେଖକ ପରିଚୟ

ନରେନ୍ଦ୍ର ପ୍ରସାଦ ବେହେରା
ଆଳଦା, ଖଇରା, ବାଲେଶ୍ଵର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

*ମା' ଦଶଭୂଜା*

ମାଆ ଦଶଭୂଜା ଆସିଥିଲ ତୁମେ
ଏ ଧରାଧାମକୁ ବୁଲି
ବୁଲି ଦେଖିଗଲ ତୁମ ସଂସାରକୁ
ପାରିବକି କେବେ ଭୁଲି ?

ସଂସାରର ଦୁଃଖ ଦୂରକରିବାକୁ
ହେଲ ତୁମେ ମହାମାୟା
ସୃଷ୍ଟି ରକ୍ଷା ପାଇଁ ହେଲ ଆଗଭର
ବିସ୍ତାର କରିଣ କାୟା ।।

ଦୁର୍ଗମ ନାମକ ଦୈତ୍ଯକୁ ମାରିଣ
ଦେବକୁଳ ରକ୍ଷା କଲ
ସେଥିପାଇଁ ତୁମେ ମାଆ ଦୁର୍ଗା ନାମେ
ସଂସାରେ ବିଖ୍ୟାତ ହେଲ ।।

ତୁମ ଆଗମନେ ଆଜି ଏହି ଧରା
ହୋଇଅଛି ଉତ୍ଫୁଲ୍ଲିତ
ଦରଶନେ ତୁମ ପିଲାଛୁଆ ଆଜି
ହେଲେ କେତେ ଆନନ୍ଦିତ ।।

ବିଭିନ୍ନ ପୀଠରେ ପୂଜା ପାଉଅଛ
(ହେ) ଜଗତ ଜନନୀ ମାତା
ଢାଳିଦେଇ ଯାଅ ଆଶୀଷ ତୁମର
ଖୋଲି ଯାଉ ମୋର ଛତା ।।

ଜଗତ କଲ୍ଯାଣେ ମାଆ ଦୁର୍ଗା ନାମେ
ଆସିଛ ମର୍ତ୍ତ୍ଯେ ଓହ୍ଲାଇ
ତୀକ୍ଷ୍ଣ ଦୃଷ୍ଟି ଦିଅ ଏ ଦୁଷ୍ଟ ଜନଙ୍କୁ
ଭୟରେ ଯା'ନ୍ତୁ ପଳାଇ ।।

ଯୋଡ ହସ୍ତେ ମୁହିଁ କରେ ନିବେଦନ
ସଂସାର ବାସୀଙ୍କ ପାଇଁ
ଏ ଧରା ଧାମରୁ ଦୁଃଖ ଦୂରକର
ଆସିଛ ଯେବେହେଁ ଧାଇଁ ।।

କରୁଣା ତୁମର ବାଣ୍ଟିଦେଇ ଯାଅ
ସଭିଙ୍କର ସୁଖ ପାଇଁ
ଭୁଲି ଯିବ ନାହିଁ ଆର ବରଷକୁ
ଚଞ୍ଚଳ ଆସିବ ଧାଇଁ ।।

*ନରେନ୍ଦ୍ର ପ୍ରସାଦ ବେହେରା, ଆଳଦା, ଖଇରା,ବାଲେଶ୍ବର, ମୋ–୯୮୫୩୧୪୨୫୧୦* 

ରଚନା : ନରେନ୍ଦ୍ର ପ୍ରସାଦ ବେହେରା

ଠିକଣା : ଆଳଦା, ଖଇରା,ବାଲେଶ୍ବର, ମୋ-୯୮୫୩୧୪୨୫୧୦ ଦୂରଭାଷ : ୯୮୫୩୧୪୨୫୧୦


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ