ଖୋଲି ତ ସାରିଛି କହି – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ଖୋଲି ତ ସାରିଛି କହି
                  ବି.ନିରୁପମା
ମୋ ପରୀକ୍ଷା ଆଉ ପ୍ରତୀକ୍ଷାର ଅନ୍ତ
କର ଆହେ ଚିତ୍ତଚୋର ,
ତୁମ ଦରଶନ ପାଇବା ଆଶାରେ 
ପରାଣ ଧରିଛି ମୋର ।
ଏତେଦିନ ଧରି ଦେଲଣି ଯା’ ସଜା
ମାନୁନାହିଁ କିବା ମନ ,
କେଉଁପରି ଆଉ ଭଜିଲେ ତୁମକୁ
ତୋଷ ହେବ ପ୍ରାଣଧନ ।
ଜୀବନରେ ହେତୁ ପାଇବା ଦିନରୁ
ତୁମଠି ଶରଧା ବହି ,
ମନ ପ୍ରାଣ ସବୁ ଅରପି ଦେଇଛି 
ଖୋଲି ତ ସାରିଛି କହି ।
ଆଉ କେଉଁ କଥା ବାକି ରହିଗଲା
ପରୀକ୍ଷା ନେଉଛ ତେଣୁ ,
ଚାହିଁଲେ ବି ମୁହଁ ଆଡେ଼ଇ ପାରୁନି
ମନ ଦେଇଅଛି ଯେଣୁ ।
ଅନୁରୋଧ ମୋର ରଖି ପ୍ରିୟତମ
ଏଥରକ ଦିଅ ଦେଖା ,
ଭାଲପଟରୁ ମୋ ବଦଳାଇ ଦିଅ
କୃପାକରି ଭାଗ୍ୟ ରେଖା ।
ମାମୁରିଆ ,ଛେଣ୍ଡିପଦା ,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
1 କମେଣ୍ଟ
ପୁରୁଣା କମେଣ୍ଟ
ନୂଆ କମେଣ୍ଟ କ୍ରିୟାଶୀଳ କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ
CHITTARANJAN SAHOO
ବଣମଲ୍ଲୀ ପାଠକ
2 ବର୍ଷ ପୂର୍ବରୁ

khub sundar..