ବୟସର ଅପରାହ୍ଣ – ସହଦେବ ବେହେରା

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ବୟସର ଅପରାହ୍ଣ
ଡାକେ ଆଜି ହାତ ଠାରି
କେଉଁ ଏକ ନିର୍ଜନ ନିଛାଟିଆ
ବଣ ପାହାଡ ଘେରା
ଶାନ୍ତ ସ୍ନିଗ୍ଧ ପ୍ରକୃତିର
ହୃଦୟ କନ୍ଦରେ ll

ସାଧନାର ପରମ ପୀଠ
ଅର୍ଜିତ ସମ୍ପତ୍ତିର
ଛିନ୍ନ ମୋହମାୟା ,
ଏକ ବଳିଷ୍ଠ ତ୍ୟାଗର
ସମିଆନା ତଳେ
ଘଣ୍ଟା ଘଣ୍ଟା ବସି
ନୀରବ ଓଁକାର
ଶବ୍ଦର ଝଙ୍କୃତ ନିନାଦ
ଚତୁର୍ଦ୍ଦିଗ ପ୍ରକମ୍ପିତ ହୁଏ ll

ବେଳଥାଉଁ ଖୋଜିବାର ପଥ
ଦିନ ଥାଉଁ ନାମ ସ୍ମରିବାର ନିଶା
ହଜିବା ଆଗରୁ
ସବୁ ପାଇବାର ଇପ୍ସା
ବିଲୁପ୍ତ ହୋଇଯାଏ
କାମନାର ବିନାଶରେ…
ହଜି ଯାଏ ଆପେ ଆପେ
ସମର୍ପଣ ଯଜ୍ଞକୁଣ୍ଡେ
ମିଛ ଅହମିକା ଦମ୍ଭ
ପାଲଟିଯାଏ ପାଉଁଶ ll

ତଥାପି ଆଗକୁ ଅଛି
ପଥ ବହୁ ଦୂର..
ଅସ୍ତମିତ ରବିର
ଶେଷ ରେଣୁ ଚୁମ୍ବନ
ନାହିଁ ବିଡମ୍ବନା..
ସାନ୍ନିଧ୍ୟ କାମନା
ଜିଇଁବା ମରିବା
ଏକାକାର ହୋଇଯିବ
ହୋଇଯିବ ଲୀନ
ଏକ ବିନ୍ଦୁରେ ll

ଲୀନ ହୋଇଯିବ
ରକ୍ତ ମାଂସର କାୟା
ସୂକ୍ଷ୍ମାତୀତ ବିଶାଳ ସେ
ପୂର୍ଣ ଗର୍ଭା ଶାଶ୍ବତ ସ୍ରୋତରେ
ମୁକ୍ତି ଲଭିବ ଜୀବନ
ଜଞ୍ଜାଳ ମୟ ସଂସାର
ଦୁଃଖର ବିନାଶରେ . .
ମୋକ୍ଷ ପ୍ରାପ୍ତିରେ …ll

ରଚନା : ସହଦେବ ବେହେରା

ଠିକଣା : ମଙ୍ଗରାଜପୁର, ହାଟଡିହି, କେନ୍ଦୁଝର ଫୋନ ନମ୍ବର : 9438200870


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ