କୂଳ ଡାକୁଛି ଆ – ଗୋପାଳ ଚନ୍ଦ୍ର ସାଓ

ଲେଖକ ପରିଚୟ

ଗୋପାଳ ଚନ୍ଦ୍ର ସାଓ
ବିକେସି, କଲୋନୀ, ବାରିପଦା, ମୟୂରଭଞ୍ଜ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ନଈର ନାଁ ଯଦି
ସଂସାର ହୁଏ
ଦୁଃଖ ସୁଖ ଏଠି ସ୍ରୋତ…
ବିପଦଟା ଦେଖ
ଭଅଁର କାଟୁଛି
କରି ଗଭୀର ଗାତ…
ହେଲେ ଏ କଥାଟି ସତ,
ଆର କୂଳକୁ
ଛୁଇଁବାକୁ ହେଲେ
ମାରିବାକୁ ହେବ ହାତ…

ଆମେ ନାଆ
ଆମେ ନାଉରୀ
ପରିଶ୍ରମ ହେବ କାତ…
ଧୈର୍ଯ୍ୟ କୁ ଆହୁଲା
କରିଥିବା ଭଲା
ପବନକୁ କରି ମିତ…
ହେଲେ ଏ କଥାଟି ସତ,
ପହଁରା ଯଦି
ଶିଖିନ ବାବୁରେ
ମରଣ ଟାଣିବ ହାତ….

ନିନ୍ଦା ଅପବାଦ
ଢେଉ ପରି ଆସେ
ହୁଏ କ୍ଷଣେ ଆତ ଯାତ…
ସାହସ ବାନ୍ଧିଲେ
ଭାସିଯିବା ନାହିଁ
ମଥା କରି ଟିକେ ନତ…
ହେଲେ ଏ କଥାଟି ସତ,
ଝଡ଼ ଚାଲିଯିବ
ଝଡ଼ର ବାଟରେ
ଉଡିବ ଖୁସିର ନେତ…

ଭଙ୍ଗା ଦଦରା
ନାଆ ନେଇ କିଏ
ସେ କୂଳେ ଗାଉଛି ଗୀତ…
ନଈ ମଝିରେ
ବୁଡି ଯାଏ ପୁଣି
ଧନୀ ଅବା ସାଧୁ ସନ୍ଥ…
ହେଲେ ଏ କଥାଟି ସତ,
ଯିଏ ଡରିଗଲା
ସିଏ ମରିଗଲା
ପଛରୁ ଡାକିବ ଭୂତ…

ବାରିପଦା, ମୟୂରଭଞ୍ଜ, ଓଡିଶା


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
1 କମେଣ୍ଟ
ପୁରୁଣା କମେଣ୍ଟ
ନୂଆ କମେଣ୍ଟ କ୍ରିୟାଶୀଳ କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ
ରଙ୍ଗନାଥ ରଥ
ବଣମଲ୍ଲୀ ପାଠକ
ରଙ୍ଗନାଥ ରଥ
7 ମାସ ପୂର୍ବରୁ

ଜୀବନକୁ ଗଭୀର ଭାବରେ ଅନୁଶୀଳନ କରିଛନ୍ତି ବିଶ୍ରୁତ ଆଧୁନିକ କବି ଶ୍ରୀମାନ ସାଓ ମହୋଦୟ। କବିତାଟି ସମାଜପାଇଁ ସୁନ୍ଦର ବାର୍ତ୍ତାଟିଏ ବହନ କରୁଛି। ଧନ୍ୟବାଦ।
ମାରିବାକୁ ହେବ ହାତ = ମାରିବାକୁ ହେବ କାତ