ଗୀତି କବିତା – ସବୁ ତ ଯାଇଛି ହଜି

ଲେଖକ ପରିଚୟ

ଲକ୍ଷ୍ମୀନାରାୟଣ ପଟ୍ଟନାୟକ
ମଙ୍ଗଳାଯୋଡି, ଖୋରଧା, ଓଡିଶା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ସ୍ମୃତି ସମାଧିରେ କବର ନେଲାଣି
ସେକାଳର ଆତ୍ମୀୟତା,
ହଜିତ ଗଲାଣି ଭାଗବତ ଟୁଙ୍ଗୀ
ଲିଭିଛି ରୂଖା ସଳିତା ॥୦॥

ସ୍ମୃତି ଉପବନେ ସାଉଁଟେ ମୁଁ ଆଜି
ଓଷା ପୁନେଇଁର ବାସ୍ନା,
ଗାଆଁ ଦାଣ୍ଡର ସେ ଭିଜା ମାଟି ଗନ୍ଧ
ଖୋଜିଲେ ଆଜି ମିଳେନା ॥
ଭାରି ମନେପଡେ ସେହି ପିଲାବେଳ
ଅଭୂଲା ଅତୀତ କଥା,
ହଜିତ ଗଲାଣି ଭାଗବତ ଟୁଙ୍ଗୀ
ଲିଭିଛି ରୂଖା ସଳିତା ॥୧॥

ଶୀତ ସକାଳର ଶୀତୁଆ ସପନ
ପୂନେଇଁ ରାତିର ଜହ୍ନ,
ଭାବ ଦିଆନିଆ ଯାନିଯାତ ଦେଖା
ସାଜିଛି ଆଜି ସପନ
ନାହିଁ ଆଉ ଢିଙ୍କି ଘୋରଣା ବା ଚକି
ଚକୁଳି ଆରିସା ପିଠା,
ହଜିତ ଗଲାଣି ଭାଗବତ ଟୁଙ୍ଗୀ
ଲିଭିଛି ରୂଖା ସଳିତା ॥୨॥

ରଚନା – ଲକ୍ଷ୍ମୀନାରାୟଣ ପଟ୍ଟନାୟକ
ଦୂରଭାଷ – ୯୮୬୧୬୧୬୧୨୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ