ପଥର କାନ୍ଦୁଛି

ଲେଖକ ପରିଚୟ

ଆଶ୍ରିତ ମହାପାତ୍ର
ଟାଙ୍ଗି, ଖୋରଧା, ଓଡିଶା | ସଦ୍ୟ ପୋଷ୍ଟ

“ପଥର କାନ୍ଦୁଛି ”
. . . . . . . . . . . . .

ଏଭଳି ଜନମ କାହିଁ ଦେଲ ପ୍ରଭୁ
କି ଭୁଲ୍ କରିଲି ମୁହିଁ
ଅନ୍ତରରେ ମୋର ବିରହ ବେଦନା
କେମିତି ପାରିବି କହି ॥

ଦିବାରାତ୍ର ମୁହିଁ ମୁଖବନ୍ଦୀ ଅଛି
ହେଉନାହିଁ କେବେ ଚଳ
ପ୍ରଚଣ୍ଡ ରୌଦ୍ରର ଜ୍ଜ୍ବାଳାରେ ଜଳୁଛି
ତିନ୍ତାଉଛି ବୃଷ୍ଟି ଜଳ ॥

କେତେ ଧୂଳିକଣା ମୋ ଦେହେ ରହିଛି
ଯୁଗ ଶତାବ୍ଦୀ ଏ ଧରି
କେତେ ଗିରି ଶୃଙ୍ଗ ଧ୍ଵଂସେ ମୁଁ ଜନ୍ମିଛି
ସମୟ କୁ ତାଳ କରି ॥

ଏଭଳି ଜୀବନ କାହିଁ ଦେଲ ପ୍ରଭୁ
କି ଭୁଲ୍ କରିଲି ମୁହିଁ
ନୃଶଂସ ମାନବ ନିହଣ ମୁନରେ
କଷ୍ଟ ସହିପାରୁ ନାହିଁ ॥

କୂପମଣ୍ଡୁକ ଟେ ପାଲଟି ଯାଇଛି
ପ୍ରେମିକର ବାର୍ତ୍ତା ଶୁଣି
ପ୍ରେମିକା ବି ତାର ମୋ ଦେହେ ଆଙ୍କୁଛି
ଦୁହିଙ୍କର ନାମ ପୁଣି ॥

ମୋ ଭାଗ୍ୟେ ଆସିନି ପ୍ରେମର ସ୍ଫୁରଣ
ପଥର ଶରୀର ପାଇ
ପ୍ରେମିକା ଦେଖିଲେ ଛାଡ଼ି ଚାଲିଯାଏ
କୁହ ଆଜି ପ୍ରଭୁ କାହିଁ ॥

– – – – – – O O O – – – – – –

ଆଶ୍ରିତ୍ ମହାପାତ୍ର
ଗ୍ରାମ- ଟାଙ୍ଗି, ଜିଲ୍ଲା- ଖୋର୍ଦ୍ଧା


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ