ତୁମ ଆରାଧିକା ଜଣେ – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ତୁମ ଆରାଧିକା ଜଣେ 
                 ବି.ନିରୁପମା
ତୁମରି ସାନିଧ୍ୟ ପାଇବାକୁ ଟିକେ 
ରହିଛି ମୁଁ ଦେହ ଧରି ,
ଆସ ହେ ମୋହନ ଦିଅ ଦରଶନ 
ମୋ ପ୍ରତି କରୁଣା କରି ।
କୃଷ୍ଣା ଅବା ମୀରା ସମ ନୁହେଁ ସିନା 
ତୁମ ଆରାଧିକା ଜଣେ ,
ଅନ୍ତର ଦେଇ ମୁଁ ଭଲପାଏ ଯେଣୁ
ତେଣୁ ଅଧିକାର ମଣେ ।
ମୋ ହୃଦୟେ ସଦା ନାଚେ ତୁମ ଛବି
ସେ ନୀଳଜୀମୂତ କାନ୍ତି ,
ମୋହନ ହେ ତୁମ ଭାବରେ ବୁଡ଼ି ମୁଁ
ଲଭଇ ପରମ ଶାନ୍ତି ।
ଇଚ୍ଛା ହୁଏ ତୁମ ତନୁକୁ ଆଉଜି 
ଶୁଣିବାକୁ ବଂଶୀ ଧ୍ୱନି ,
ଏହି ପ୍ରତୀକ୍ଷାର ଅନ୍ତ କର ଦେବ
ହେ ମୋର ଅନ୍ତରଯାମୀ ।
ସେ ମୁରଲୀ ଧର ନବୀନ କିଶୋର
ରୂପଧରି ଏବେ ଆସ ,
ତୁମରି ମଧୁର ପରଶ ଦେଇ ମୋ 
ହୃଦୟ ବେଦନା ନାଶ ।
ମାମୁରିଆ, ଛେଣ୍ଡିପଦା,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ