ହୋଇଛି ମରତବାସୀ – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ହୋଇଛି ମରତବାସୀ 
               ବି.ନିରୁପମା
ଛଦ୍ମବେଶ ଧରି ଆସିଅଛୁ ବୋଲି
ପାରିବିନି କିରେ ଜାଣି ,
ସଂସାର ମଧ୍ୟରେ ଏଡ଼େ ବଡ଼ ବକ 
ଅତି ଅଦଭୁତ ଠାଣି ।
ଗୋରୁଗଣ ଏଠି ଚରୁଛନ୍ତି ତୃଣ 
ସଖାମାନେ ଛନ୍ତି ଠୁଳ ,
ମନେ ମନେ ଭାବି ଆସିଅଛୁ ତୁହି
କରିବାକୁ କିଛି ଗୋଳ ।
ମୋତେ ଗିଳିବାକୁ ପ୍ରୟାସ କଲୁଣି
ଚାହାଁ ତୋ ଥଣ୍ଟକୁ ଧରି ,
ଏଇକ୍ଷଣି ତାକୁ ଚିରିଦେବି ନିଶ୍ଚେ
ଏଠି ଦୁଇଫାଳ କରି ।
ତଥାପି ଯେବେ ତୁ ଛଳ କରି ମୋତେ
‘ବକାସୁର’ ଦେବୁ ଗିଳି ,
ତପତ ହୋଇ ମୁଁ ତାଳୁ ଫୁଟାଇକି
ଏଠିକୁ ଆସିବି ଚଳି ।
ସାରା ଜଗତକୁ ସୁରକ୍ଷା ଦେବାକୁ
ହୋଇଛି ମରତବାସୀ ,
ତୋହଭଳି ଯେତେ ଦୁଷ୍ଟ ଛନ୍ତି ଏଠି
ସମସ୍ତଙ୍କୁ ଦେବି ନାଶି ।
ମାମୁରିଆ, ଛେଣ୍ଡିପଦା,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ