ମଳୟ ପବନ ବହୁଛି – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ମଳୟ ପବନ ବହୁଛି
                    ବି.ନିରୁପମା
ଆମ୍ବ ବଉଳର ବାସନା ବିତରି
ବସନ୍ତ ଋତୁଟି ଆସିଛି ,
ପତ୍ର ଗହଳରେ ପଞ୍ଚମ ତାନରେ
କୋଇଲିଟି କୁହୁ ଗାଉଛି ।
ମଳୟ ପବନ ବହୁଛି,
               ଏ ମନଟି ଥୟ ନୋହୁଛି-
ତୋ ସାଥିରେ ପ୍ରିୟା ନାଚିଯିବା ପାଇଁ
ବାରବାର ଖାଲି କହୁଛି ।(ଘୋଷା)
ଘର ଅଗଣାରେ ମହ ମହ ହୋଇ
ମଧୁମାଳତୀ ଯେ ବାସେ ଲୋ ,
ବରଷକ ଅନ୍ତେ ଦୋଳ ଯାତରାଟି
ଆମରି ଗାଆଁକୁ ଆସେ ଲୋ ।
ବିମାନରେ ବିଜେ ହେବେ ରାଧା କୃଷ୍ଣ
ଦେଖିବାକୁ ମନ ହେଉଛି ।(୧)
ମଳୟ ପବନ ବହୁଛି ,
        ଏ ମନଟି ଥୟ ନୋହୁଛି-
ତୋ ସାଥିରେ ପ୍ରିୟା ନାଚିଯିବା ପାଇଁ
ବାରବାର ଖାଲି କହୁଛି ।
ଆମ୍ବ ବଉଳର ବାସନା ବିତରି
ବସନ୍ତ ଋତୁଟି ଆସିଛି….
ରଙ୍ଗ ପିଚକାରି ହେବା ମରାମରି
ଅବିର ପସରା ହେଇଟି ,
କେତେ ଜାତି ଫୁଲ ଫଳରେ ଏ ଧରା
ହସି ଉଠିଲାଣି ଚହଟି ।
ଯେତେକ ପରବ ଆମରି ଗରବ
ସବୁରି ମନକୁ ମୋହୁଛି ।(୨)
ମଳୟ ପବନ ବହୁଛି ,
        ଏ ମନଟି ଥୟ ନୋହୁଛି-
ତୋ ସାଥିରେ ପ୍ରିୟା ନାଚିଯିବା ପାଇଁ
ବାରବାର ଖାଲି କହୁଛି ।
ଆମ୍ବ ବଉଳର ବାସନା ବିତରି
ବସନ୍ତ ଋତୁଟି ଆସିଛି….
ପତ୍ର ଗହଳରେ ପଞ୍ଚମ ତାନରେ
କୋଇଲିଟି କୁହୁ ଗାଉଛି ।
ମାମୁରିଆ, ଛେଣ୍ଡିପଦା,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ