ଶତାୟୁ କରନ୍ତୁ ନିରୋଗ ରଖି – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ଜନମ ଦିନର ଅଭିନନ୍ଦନ,
ପ୍ରିୟ ମୁଖ୍ୟମନ୍ତ୍ରୀ ସାଦରେ ଘେନ ।

ତୁମେ ଓଡ଼ିଶାର ସୁଯୋଗ୍ୟ ପୁଅ,
ସର୍ବଦା ରାଜ୍ୟର ହିତରେ ଥାଅ ।

କରି ଚାଲିଅଛ ମହତ କାମ,
ଦେଶ, ବିଦେଶରେ ଅଛି ସୁନାମ ।

ଶୁଣି ଲାଗୁଅଛି ବହୁତ ଖୁସି,
ପ୍ରଶଂସିକା ଜଣେ ଲେଖୁଛି ହସି ।

ସଦା ଶାନ୍ତ ଅବିଚଳିତ ମୁହଁ,
ସ୍ଥିତପ୍ରଜ୍ଞ ଅଟ ମାୟାବୀ ନୁହଁ ।

ନିନ୍ଦା ପ୍ରଶଂସାଠୁ ଉର୍ଦ୍ଧ୍ବରେ ରହି,
ଯେତେ କାର୍ଯ୍ୟ କର ହେବନି କହି ।

ମୁଁ ତୁମ ରାଜ୍ୟର ପରଜା ଜଣେ,
କହୁଅଛି ଏଠି ଆପଣା ପଣେ ।

ସାହା ହୋଇଥା’ନ୍ତୁ ସେ ଚକାଆଖି,
ଶତାୟୁ କରନ୍ତୁ ନିରୋଗ ରଖି ।

ମାମୁରିଆ, ଛେଣ୍ଡିପଦା, ଅନୁଗୋଳ ।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ