ଶିଶୁ କବିତା – ଆ କା ମା ବୈ – ମୀନାକ୍ଷି ପାଢ଼ୀ

ଲେଖକ ପରିଚୟ

ମୀନାକ୍ଷି ପାଢୀ
ଚିକିଟି ପେଣ୍ଠ, ଗଞ୍ଜାମ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଆସରେ ପିଲେ ଆସ,
କଦଳୀ ପଟୁଆ ସଜାଡ଼ି ଦେଇ
ଡଙ୍ଗା ଗଢ଼ିବା ବସ।

ଗେଣ୍ଡୁଫୁଲେ ସଜାଇ,
ପାନ ଓ ଗୁଆକୁ ଯତନେ ରଖି
ଦୀପଟେ ଦେବା ଥୋଇ।

ଥୁରୁ ଥୁରୁ ପାହାନ୍ତି,
କାର୍ତ୍ତିକ ମାସର ପୂନେଇଁ ଦିନ
ଡଙ୍ଗା ସବୁ ଭସାନ୍ତି।

ଆମ ପୂରୁବ କାଳେ,
ସାଧବ ପୁଅଏ ବୋଇତେ ବସି
ବଣିଜ କରି ଗଲେ।

ଜାଭା ,ସୁମାତ୍ରା ,ବାଲି,
ଦ୍ବୀପରୁ ଦ୍ବୀପ ଦେଶରୁ ଦେଶକୁ
ବୋଇତ ଗଲେ ଚାଳି।

ଆମଦାନୀ-ରପ୍ତାନୀ,
ଜିନିଷ ଦେଇ ଜିନିଷ ଆଣି ଏ
ଦେଶକୁ କଲେ ଧନୀ।

ସେ କାଳ ଆଉ ନାହିଁ,
ସାଧବ ପୁଅ ଙ୍କ ବୋଇତ କଥା
ଗଲାଣି ସ୍ମୃତି ହୋଇ।

ସେଇ ସେ ସ୍ମୃତି ପାଇଁ,
ବୋଇତ ଟିଏ ବନ୍ଦାଇ ଦେବାରେ
ନଦୀ ଜଳେ ଭସାଇ।

ଆ କା ମା ବୈ,
ପାନ ଗୁଆଟି ଖାଇବୁ ତୁହି,ମୋ,
ଧରମ ମୋତେ ଦେଇ।

ମୀନାକ୍ଷି ପାଢ଼ୀ, ଶିକ୍ଷୟିତ୍ରୀ, ଚିକିଟୀ, ଗଞ୍ଜାମ


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ