ଦୁର୍ବଳ ମୁହୂର୍ତ୍ତ – ସିଦ୍ଧେଶ୍ଵର ତ୍ରିପାଠୀ

ଲେଖକ ପରିଚୟ

ସିଦ୍ଧେଶ୍ଵର ତ୍ରିପାଠୀ
ଠିକଣା : କୁଣ୍ଡିଲୋ, କେରଙ୍ଗ, ଖୋରଧା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଆଗୋ ସୁନୟନା କରନି ବାହାନା
ତୋଳିନିଅ ବାହୁ ବନ୍ଧନରେ
ଲାଜର ଗହଣା ଦିଅଗୋ ଉତ୍ତାରି
ଅଙ୍ଗବାସ ସବୁ ଯାଉ ଦୁରେ ।

ରକ୍ତଜବା ପରି ତୁମସେ ଓଠରୁ
ଝରାଇ ଦିଅଗୋ ମଧୁରସ
ଏଇ ମଗୁସୁର ଗହନ ରାତିରେ
ଏକାକିନି ଥରେ ଆସ ଆସ ।

ଭୁଲିଯାଅ ତୁମ ପଛ ସଂସାରକୁ
ଅଙ୍ଗ ଦାସ ମୋତେ କର ଥରେ
ଆଗୋ ସୁନୟନା କରନି ବାହାନା
ତୋଳିନିଅ ବାହୁ ବନ୍ଧନରେ ।

ରାତି ସାଥେସାଥେ ରତି ବଢ଼ୁଥିବ
ବଢି ଚାଲିଥିବ ଦୀର୍ଘଶ୍ଵାସ
କେଉଁ ଅତୀତର ମଲା ସପନ ମୋ
ଧିରେ ପାଉଥିବ ଜୀବନ୍ୟାସ ।

ସମୟ ସରୁଛି ସ୍ମୃତିବି ଝରୁଛି
ଆଉ କିବା ଲାଭ ବିଳମ୍ବରେ
ଆଗୋ ସୁନୟନା କରନି ବାହାନା
ତୋଳି ନିଅ ବାହୁ ବନ୍ଧନରେ ।

ସିଦ୍ଧେଶ୍ବର ତ୍ରିପାଠୀ


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ