ଚନ୍ଦ୍ରଭାଗାର କୋହ – ହାସ୍ୟମୟୀ ରାଜ

ଲେଖକ ପରିଚୟ

ହାସ୍ୟମୟୀ ରାଜ
ଓରାଳି, ହାଟଡିହି, କେନ୍ଦୁଝର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ମାଘ ସପ୍ତମୀର
ଉଛୁଳା ତୀରରେ
ଭାବନା ତା ରାଶି ରାଶି
ଅନ୍ତଃସ୍ବର ତାର
ବଖାଣେ ଆକୁଳେ
ପୁତ୍ର ଧରମାର ସ୍ମୃତି
ବାର ବରଷର
ବାଳକ ଭିତରେ
ଦେଖୁଛି ସତେ ସେ
ବୀର ପୁତ୍ର ତାର
ଚୁପି ଚୁପି ଆସେ ହସି ।
ଚପଳ ଆବେଗେ
କାନରେ କହେ ସେ
ମାତୃ ରୂପୀ ତୁ ତ
ତୋ କୋଳରେ ଶୋଇ
ସ୍ଵପ୍ନ ଦେଖୁଚି
କୋଣାରକ ନବ ଛବି
କାହିଁକି ଭାବୁଛୁ
ମୋ କଥା ତୁ ଏତେ
ବିରସ ବଦନେ ବସି,
ହେଇ ହେଇ ଦେଖ୍
କେମିତି ତୋ କୋଳେ
ସୂରୁଯ ପଡୁଛି ଖସି,
ସୁନେଲି ତୋର
ପଣତ କାନିରେ
ଦେଉଛି ସେ ମୁଁହ ନେସି ।
ଭାବନାରୁ ଫେରି
ବାସ୍ତବରେ ଦେଖେ
ତାର କୋଳାହଳ ଛବି
ତଥାପି ବୁଝେନି
ମନଟା ତାର
ଅତୀତର ସେଇ କରୁଣ ଚିତ୍ର
ବାର ବାର ଆସେ
ମନ ପରଦାରେ ଭାସି ।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ