ମୋ ଦେହରେ ଦିଅ ବୋଳି – ବି.ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ତୁମ ନୀଳରଙ୍ଗ ଟିକିଏ ଆଣିକି
ମୋ ଦେହରେ ଦିଅ ବୋଳି ,
ଆପେ ଶୋଭମୟୀ ହୋଇଯିବି ମୁହିଁ
ସଖୀ ସେ କୃଷ୍ଣାଙ୍କ ଭଳି ।
ତୁମ ଅଙ୍ଗ ଶୋଭା ମୋ ତନୁରେ ମଣ୍ଡି
ଆନନ୍ଦେ ବିଭୋର ହେବି ,
ମନମୋହନଙ୍କ ମାନସୀ ବୋଲି ମୁଁ
ଦୁନିଆକୁ କହିଦେବି ।
ଯିଏ ଯା’ କହିଲେ ତୁମ ନାମେ ଯୋଡ଼ି
ଦେବିନାହିଁ ଜମା କାନ ,
ପ୍ରିୟତମ ଯେଣୁ ତୁମପରେ ତେଣୁ
କରିବିନି ଅଭିମାନ ।
ତୁମେ ତ ଜାଣିଛ ମୋ ଅନ୍ତର କଥା
ଆଉ କି କହିବି କୁହ ,
ସବୁ ଜାଣିକି ବି ଏମିତି ମଉନ 
କେଜାଣି କାହିଁକି ରୁହ !
ଏ ମନ ପରାଣ ତୁମଠାରେ ସବୁ
ଅଳି ବାରେ ମୋର ରଖ ,
ନୀଳମଣି ତୁମ ନୀଳରଙ୍ଗ ଟିକେ
ଆଣି ମୋ ଦେହରେ ମାଖ ।
ମାମୁରିଆ, ଛେଣ୍ଡିପଦା, ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ