ମୋ ପ୍ରିୟାର ପ୍ରେମ – ପ୍ରଶାନ୍ତ କୁମାର ନାଥ

ଲେଖକ ପରିଚୟ

ପ୍ରଶାନ୍ତ କୁମାର ନାଥ
ସୁନ୍ଦରପୁର, ଉତ୍ତରକୂଳହାଟ, ପ୍ରୀତିପୁର, ଯାଜପୁର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଭଲପାଏ ବୋଲି ଓଠରେ ସିନା ମୁଁ

ପ୍ରିୟାକୁ ଦେଉଛି କହି
ହେଲେ ଲକ୍ଷେ ଶିବ ପୂଜୁଅଛି ସିଏ
କେବଳ ମୋହରି ପାଇଁ ।

ମୋହରି ପାଇଁକି ଶୁଭ ମାନସୀ ସେ
କରୁଛି ଉପାସ ବ୍ରତ
ପ୍ରଭୁଙ୍କ ମଥାରେ କ୍ଷୀର ସେ ଢାଳୁଛି
କରୁଛି ତାଙ୍କ ସାକ୍ଷାତ।

ନଡିଆ ଭାଙ୍ଗୁଛି ମୋହରି ନାମରେ
ମୋ ନାମେ ପୁଜୁଛି ହର
ମୋପାଇଁ ପରା ସେ ଉଜାଗର ରହି
ପାଳୁଛି ଆଜି ଜାଗର ।

ନିଜ କଥା ଭୁଲି ମୋ କଥା ଭାବୁଛି
ଚାହୁଁଅଛି ମୋର ଖୁସି
ମୋହରି ଖୁସିରେ ଖୁସି ସେ ହେଉଛି
ନହେଲେ ଯାଉଛି ଋଷି ।

ଏତେ ଭଲ ସିଏ ପାଉଅଛି ମୋତେ
ଭାବିଲେ ଲାଗୁଛି ଡର
ତା ପ୍ରେମଟା ଏବେ ଲାଗୁଅଛି ମୋତେ
ନିଜ ଠୁଁ ବେଶି ନିଜର ।

Writer’s Details: ପ୍ରଶାନ୍ତ କୁମାର ନାଥ
Content Category:
Submission Date: Jul 10, 2019


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ