ବିଶ୍ଵାସ – ଡଃ ଶରତ କୁମାର ଚଉଁରୀ

ଲେଖକ ପରିଚୟ

ଡକ୍ଟର ଶରତ କୁମାର ଚଉଁରୀ
ଟିଚର୍ସ କଲୋନୀ, ପିପିଲି, ପୁରୀ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଅବିଶ୍ବାସ ଘନ କୁହୁଡି ରେ
ବିଶ୍ୱାସ ଟା ବିବର୍ଣ୍ଣ ବିଲୀନ
ପୁନଃ ପ୍ରାପ୍ତି ଅବାଞ୍ଛିତ ସତ୍ୟ
ଜାଣି ସୁଦ୍ଧା ଅବୁଝା ଏ ମନ।
ଆଶାବାଦୀ ହୃଦେ ଆଶା ବାନ୍ଧି
ଅତୀତକୁ କରେ ରୋମନ୍ଥ ନ
ବିବେକ ର ସାନ୍ତ୍ଵନା ସତ୍ତ୍ଵେ ବି
ଭାଗ୍ୟ ନଭୁ ଚନ୍ଦ୍ରମା ଉଭାନ।
ପ୍ରେମ ପ୍ରତାରଣା ଫାଶେ ବନ୍ଦୀ
ପ୍ରକୃତିର ନିର୍ବ୍ୟାଜ୍ୟ ଜୀବନ
ପ୍ରେୟସୀର ସର୍ବ ଅନୁନୟ
ଅଦ୍ୟାବଧି ଅରଣ୍ୟ ରୋଦନ ।
ଶଠ ପ୍ରେମୀ ସମ୍ମୋହନ ରଚେ
ସମ୍ଭୋଗରେ ଇଜ୍ଜତ ଲୁଣ୍ଠନ
ପ୍ରତ୍ୟାଖ୍ୟାନ କରେ ପୁଷ୍ପମଧୁ
ପାନ ପରେ ମଧୁପ ଯେସନ।
ପ୍ରେମ ଦିବ୍ୟ ପବିତ୍ର ସମ୍ପର୍କ
ପ୍ରକୃତି ଓ ପୁରୁଷ ମିଳନ
ସୃଷ୍ଟି ରକ୍ଷା ପ୍ରୟାସେ ସ୍ରଷ୍ଟା ଙ୍କ
ଅନବଦ୍ୟ ଅପୂର୍ବ ସୃଜନ।
ବିଶ୍ଵାସର ଦ୍ୱାହି ଦେଇ କେହି
ପ୍ରେମ ଡୋରି କରନାହିଁ ଛିନ୍ନ
ବିଶ୍ୱାସରେ ବିଷ ଦେଲେ ଶାସ୍ତି
ଦେବେ ନିଶ୍ଚେ ସ୍ଵୟଂ ଭଗବାନ।

ସଂ: ଶିଶୁ ଦରବାର
ଟିଚର୍ସ କଲୋନି,ପିପିଲି,ପୁରୀ


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ