ସମୟ ଚୁଲିରେ ଉତୁରେ ବୟସ – ରଞ୍ଜିତା ଦାସ
ଲେଖକ ପରିଚୟ
ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।
ସୁଖ ଦୁଃଖର ମିଶ୍ରଣ,
କେବେ କରେ ସୁଖକୁ ଗ୍ରହଣ,
ପୁଣି କେବେ ପିଇବାକୁ ହୁଏ
ଦୁଃଖର ଜହର |
କିଏ ଏଠି ଚିହ୍ନା ଚିହ୍ନା…
ପୁଣି କିଏ ଏଠି ଅତି ଆପଣାର,
ଆଜି ନିଜର ଲାଗୁଥିବା ମଣିଷ ମଧ୍ୟ
କାଲି ହୁଏ ସାତ ପର |
ଏଇତ ଜୀବନର ସମୀକରଣ,
କେବେ କରିବାକୁ ହୁଏ ମିଶାଣ
ପୁଣି କେବେ ଫେଡ଼ାଣ |
ସମୟ ଏଠି ସଭିଙ୍କ ସରି ସରି ଯାଉଛି |
ଆଜି ଅଛି ଏ ପ୍ରାଣ କାଲି ଥିବି କି ନଥିବ,
ସେ କଥା ଅବା କିଏ ଜାଣିଛି |
ସେଥିରେ ତ ପୁଣି କେତେ ରାଗ ହିଂସା,
ମଣିଷ ଅହଂକାର ନିଆଁରେ ଜଳୁଛି |
ଅନ୍ୟ ସୁଖ ଦେଖି ନିଜ ସୁଖକୁ ଜଳେଇ,
ନିଜେ ଜଳି ଜଳି ମରୁଛି |
ଜୀବନ ତ ଇଏ ଚଳଚ୍ଚିତ୍ର ସତେ,
କାହାଣୀ ଲେଖା ତ ସରିଛି |
ଯେ ଯାହା ନିଜ ଅଭିନୟ ସାରି,
ବାହୁଡ଼ିବାକୁ ଅଣ୍ଟା ଭିଡୁଛି |
Writer’s Details: Ranjita Das, NIT Rourkela ,Odisha ,India.
Content Category:
Submission Date: Jun 22, 2019
ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।