ବେହାଲ୍ ସ୍ପନ୍ଦନ – ଶିବ ଚରଣ ମହାପାତ୍ର

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ନୀଳ ଆକାଶର ପ୍ରଶସ୍ତ ବୁକୁର
(ତୁ)ସଫେଦ୍ ପୁନେଇଁ ଜହ୍ନ
କାହା ପିରତିରେ ଅମିଷା ରାତିରେ
ବେହାଲ୍ କଲୁ ସ୍ପନ୍ଦନ..

ଆଖିରେ ପିନ୍ଧେଇ ବିରହ ଗହଣା
ହେଲୁକିବା ବାଟବଣା
ହୃଦୟରେ ଉଣା ପିରତି ପାଉଣା
ନଥିଲାକି ତୋତେ ଜଣା..

ସାଉଣ୍ଟି ଧରିଲୁ ପ୍ରେମର କଣିକା
ସାମୁକା ଛାତିରୁ ମୁକ୍ତା
ବେଳାଭୂମି ବାଲି ଛଳନା ନିଶ୍ୱାଃସେ
ତୋଳୁଥିଲା ନୀରବତା..

ପିଲାଖେଳ ପରି ଭାଙ୍ଗିଲୁ ସମ୍ପର୍କ
ପ୍ରେମରେ ପକେଇ କଟି
ବେହାଲ୍ ସ୍ପନ୍ଦନ ଭିତରେ ଭିତରେ
ଚାଲିଯାଏ ବାଟ କାଟି..

ଫୁଲ ଦେଖି କହେ ଉପହାସେ ମୋତେ
କାହିଁ ତୋ ଅପସରୀ ନାରୀ
ଯେଉଁ ରୂପସୀର ଅଙ୍ଗରଙ୍ଗ ସଙ୍ଗେ
ନଥିଲେ କେହିଟି ସରି..

ସେବେଳେ ଆକାଶ ଛାତିର ସ୍ପନ୍ଦନ
ଉଲ୍କା ସାଜି ଗଳି ପଡେ
ପୃଥିବୀ ହୃଦୟ ତାଳୁରୁ ତଳିପା
ଦୁଇ ହାତେ ତାର ଫାଡେ..

ଥରୁଟିଏ ଆସି ଦେଖିଯା’ରେ ପ୍ରିୟା
ଯନ୍ତ୍ରଣା ଭିଜା ଏ ମନ
ଆଉଥରେ ପୁଣି ମଳୟ ପବନେ
ଝଙ୍କୃତ ହେଉ ସ୍ପନ୍ଦନ..

ଚକ୍ରଧରପୁର, କେନ୍ଦୁଝର


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ