ପ୍ରତୀକ୍ଷା ର ପ୍ରେମିକ

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ପ୍ରତିବିମ୍ବ ଆଜି ଦିଶେ ଶୁଭ୍ରମୟ
ସନ୍ଧ୍ଯା ପୋଖରୀ ପାଣି ରେ,
ପୂର୍ଣ୍ଣମୀ ଜହ୍ନ ଯେ ହସୁଥାନ୍ତି ଧିରେ
ଢ଼ାଳନ୍ତି କିରଣ ଶିରେ।୧।
ନଡ଼ିଆ ଗଛ ର ପଛ କୁ ଯେ ଲୁଚ଼ି
ଜହ୍ନ ଦେଖନ୍ତି ତୋ ମୁଖ,
ଇଛ୍ଛା ହୁଏ ତାଙ୍କ ଛୁଇଁବାକୁ ତୋତେ
ପାଇବେ ସରଗ ସୁଖ।୨।
ପୋଖରୀ କୂଳର ଦୁବଘାସ ମାନେ
ଲାଜେ ମୁହଁ ତ ଘୋଡ଼ାନ୍ତି,
ଜଳେ ଥିବା ମୀନ ଖୁସି ରେ ଉଠିଣ
ଶୁଭ୍ର ଜୋଛନା ପିଅନ୍ତି।୩।
ମଳୟ ପବନ. ଛୁଇଁଯାଏ ତୋତେ
ଶୀତଳ ଜଳ ର ତୀରେ,
ଲାଜ ଗହଣା ରେ ନିଜକୁ ସଜାଉ
ଜହ୍ନ ର ମନ ଟି ପୁରେ।୪।
ନକ୍ଷତ୍ରଗଣ ଯେ ଫୁଲମାଳ ମାନ
ଶୂନ୍ଯ ରୁ ଆଜି ଢ଼ାଳନ୍ତି,
ଅପେକ୍ଷା ର ପର୍ବ ସରିଗଲା ଏବେ
ଆସ ମୋ ସଜନୀ ‘ପ୍ରତୀ’।୫।
ପୋଖରୀ ର ପାଣି ଉଛୁଳି ଗଲା ଯେ
ଛୁଇଁଦିଏ ତୋର ଗାଲ,
ଭରିଦିଏ ରଙ୍ଗ ଜହ୍ନ ର ତରଙ୍ଗ
କରିଦେଇ ତୋତେ ଗେଲ।୬।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ