କେମିତି ବଞ୍ଚିବି ଏକା – ସିଦ୍ଧେଶ୍ଵର ତ୍ରିପାଠୀ

ଲେଖକ ପରିଚୟ

ସିଦ୍ଧେଶ୍ଵର ତ୍ରିପାଠୀ
ଠିକଣା : କୁଣ୍ଡିଲୋ, କେରଙ୍ଗ, ଖୋରଧା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଜୀବନ ବାଟରେ ଯଦି କେବେ ଥରେ

ତୁମ ସାଥେ ହେବ ଦେଖା
ସେଦିନ ବୁଝିବ ତୁମେ ଗଲା ଦିନୁ
କେମିତି ବଞ୍ଚିଛି ଏକା ।

ମିଛ ହସ ହସି ଦୁନିଆ ଆଗରେ
ନିତି କରି ଅଭିନୟ
ବାସ୍ତବ ଜୀବନ ଜିଇଁ ପାରେନାହିଁ
ଏମିତି ମୁଁ ଅସହାୟ ।

କିଛି ଦିନ ପାଇଁ ଆସିଥିଲ ବୋଲି
ମୋ ଭାଗ୍ୟେ ବିରହ ଲେଖା
ସେଦିନ ବୁଝିବ ତୁମେ ଗଲା ଦିନୁ
କେମିତି ବଞ୍ଚିଛି ଏକା ।

ବାର ବାର ତୁମେ ମୋ ମନକୁ ଜିଣି
ଗାଇଥିଲ ପ୍ରୀତି ଗୀତ
ଲୁହ ଝରାଇବି କହିଥିଲ ମୋତେ
ଧରିନେବ ମୋର ହାତ ।

ତୁମରି ସୁହାଗ ସିଂଦୂରଟା ଯଦି
କେବେ ପଡ଼ିଯାଏ ଫିକା
ସେଦିନ ବୁଝିବ ତୁମେ ଗଲା ଦିନୁ
କେମିତି ବଞ୍ଚିଛି ଏକା ।

Writer’s Details: ସିଦ୍ଧେଶ୍ବର ତ୍ରିପାଠୀ
Content Category:
Submission Date: Jun 06, 2019


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ