ପରବଟି ମନଲାଖି – ବି.ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ
ଆସିଲାଣି ପୁଣି ରଜ ,
ତୋଟାମାଳେ ଦୋଳି ହେଲାଣି ସଜ ଲୋ
କରିବା ଭାରି ମଉଜ ।
ରଜ ସଜବାଜ ହୋଇ ,
ବୁଲିବା ପାଦରେ ଅଳତା ନାଇ ଲୋ
କଦଳୀ ପାଟୁକା ଦେଇ ।
ଖାଇ ଆମେ ପୋଡ଼ପିଠା ,
ଦୋଳି ଝୁଲିବାକୁ ଯିବାଟି ତୋଟା ଲୋ
ପାନ ଖଣ୍ଡ ଭାରି ମିଠା ।
ଗାଇ ରଜ ଦୋଳି ଗୀତ ,
ଝୁଲିବା ବଉଳ ,ସଙ୍ଗାତ ,ମିତ ଲୋ
ହରଷ ହୋଇବ ଚିତ୍ତ ।
ବରଷକେ ଆସେ ପର୍ବ ,
ଆମ ରାଇଜର ଅଟେ ଏ ଗର୍ବ ଲୋ
ନାଶେ ଭେଦା ଭେଦ ସର୍ବ ।
ଗ୍ରାମବାସୀଙ୍କ ଠୁଁ ଦେଖି ,
ସହରର ଲୋକ ଗଲେଣି ଶିଖି ଲୋ
ପରବଟି ମନଲାଖି ।
ମାମୁରିଆ ,ଛେଣ୍ଡିପଦା, ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ