ଗଛ ଆମର ମିତ – ଶିବ ପ୍ରସାଦ ସାହୁ

ଲେଖକ ପରିଚୟ

Blog | + ଏହି ଲେଖକଙ୍କର ଅନ୍ୟ ଲେଖା ପଢିବାକୁ [ଏଠାରେ କ୍ଲିକ କରନ୍ତୁ]
ଗଛ ଆମର ମିତରେ ଭାଇ

                  ଗଛ ଆମର ମିତ
ଜୀବନ ଯାକ କରୁଛି ସେହି 
                  ସାରା ଜଗତ ହିତ ।।
ଚେର ତାହାର ଦୃଢ ଭାବରେ 
                   ମାଟିକୁ ଥାଏ ଧରି 
କାଣ୍ଡ ମଧ୍ୟରେ ଲବଣ,ଜଳ 
                  ପତ୍ରକୁ କରେ ପାରି ।।
ସବୁ ଗଛର ପତ୍ରଟି ପରା 
                   ଅଟେ  ରୋଷେଇ ଘର 
ଜୀବଜଗତ ତିଷ୍ଠି ରହିଛି 
                   ଖାଇ ତା ଫଳ ମୂଳ ।।
କେଡ଼େ ସୁନ୍ଦର ଫୁଲ ତାହାର 
                    ବାସ ବିତରି ଦିଏ 
 ପରଜାପତି ସେଥିରେ ଉଡ଼ି 
                   ମହୁ ଯେ ଶୋଷି ନିଏ ।।
ଗଛ ଦେଉଛି ଜାଳିବା ପାଇଁ 
                   କେତେ ଜାଳେଣି କାଠ 
କାଠରୁ ପୁଣି ତିଆରି ହୁଏ 
                   ମେଜ ଚଉକି ଖଟ ।।
ଟାଣ ଖରାରେ ଶାନ୍ତି ତ ଦିଏ 
                   ଗଛ ତଳର ଛାଇ 
ସେହି ଛାଇରେ ଖୁସି ହୁଅଇ 
                  ବସି ବାଟୋଇ ଭାଇ ।।
ଅଙ୍ଗାରକାମ୍ଳ ବିଷକୁ ନେଇ 
                   ଦିଏ ସେ ଅମ୍ଳଜାନ 
ଅମ୍ଳଜାନ ଯେ ଅମୃତ ତୁଲ୍ୟ 
                  ରଖିଛି ଆମ ପ୍ରାଣ ।।
ଗଛଟି ପରା ଏ ପ୍ରକୃତିର 
                  ଶୀତଳ ହେବା ଯନ୍ତ୍ର 
ସବୁରି କାନେ ଫୁଙ୍କିବା ଆମେ 
                  ବୃକ୍ଷରୋପଣ ମନ୍ତ୍ର ।।
ଶିବ ପ୍ରସାଦ ସାହୁ 
ଗୋପିନାଥପୁର ସାହି, ଚାନ୍ଦପୁର, ନୟାଗଡ଼ 
ପିନ୍-752024, Mob-9692374659

Leave a Reply

Your email address will not be published. Required fields are marked *